結果唔走（住）
結果前日都係同佢哋講，我會留多耐 D 睇吓點先！
其間我一直都決定唔到，但呢個決定都因為好多因數嘅！
1) 之前我同「大粒」講關於 d 掃把成日罵人，係又罵唔係又罵。攪到我真係無乜心機做，其實佢都呢個問題，所以佢一直都係有個名單。之後我又多真係覺得好咗好多，當然我都有擔心佢哋係「四川高手」（最叻變面），但我都多謝佢哋嘅改變嘅。
2) 銀行無乜錢。有無攪錯，做咗幾個月個戶口都無幾多錢多到，可想而知呢份工收入同支出嘅比例。但無錢又點樣「量地」呢？所以如果份工係「頂得住」啱，就做多陣，儲多陣錢先，但人工咁底，真係唔知點儲。
3) 好多好同事都話剛剛做係唔慣，但過咗幾個月就好好多，所以我都想試吓！
4) 我講我會走時，佢個樣真係幾擔心。我都知現在家姐又無做野，我又唔做嘅話，都幾係嘢。其實呢個都係一個幾主要嘅原因。我都做咗「無聊人」咁耐（都唔可以成日係咁嫁啦！）
所以最後都係同佢講，我會做多耐睇吓慣唔慣先。佢哋更係開心啦，但我都係諗吓嫁咋，因為始終之後要兩個月通知，都係一個好大嘅難關！
回應(4) | 回應的RSS | 暫時未有引用通告| 
(0)
不過第二份工都唔會一做就會好着數架！好多時都要捱一論至有好日子過，Ｄ老闆唔會死錯人架，同時你都要考慮吓你個ＣＶ点寫，份份工都做唔長，人地會点惗呢！ Comment by Blueberry — 2006 三月 29 @ 3:18 pm
我都唔想份 CV 寫到咁差。
但 probation 就真係唔會過！ Comment by Lisa Simpson — 2006 三月 31 @ 9:14 pm