Lisa Simpson

星期一去左個喪禮！

一個三十一歲，沖滿陽光氣色，真係好 sunny 既女仔，因為血癌，即使佢家姐有合適既骨瑞比佢，最終都係要離開！

其實同佢唔係好熟，同佢家姐熟D！由發現到離開，只係大約一年既時間。即使佢幾樂觀，照使佢其即極，幾聽醫生話去接受治療！都係改變唔到！人真係好脆弱！ 

我成日都諗自己既喪禮要點搞，你可能會問，點解唔諗婚禮！一，婚禮係諗都應該係兩個人一齊諗，家下一個人，咪越諗越傷心！二，婚禮要考慮好多人鍾唔鍾呢呢樣，鍾唔鍾意個樣！我既喪禮怕且都我大晒啦下話？話晒都死者為大，你點都要就下我啦！我去過好幾次喪禮，當然別人的東西，我要專重！但如果是我自己的喪禮，我真係絕對唔想係咁！

 

從她家人發給我們的小傳張看到，佢真係一個好快樂，亦希望帶給身邊的人快樂的人！但點解呢個喪禮要咁悲傷？大家都係基督徒，大家都信有永生！點解一時間既分開要咁傷心！我同 Carrie 成日講笑咁講（但係認真嫁！）：「如果去喪禮見到我地神情形重，只會因為個心諗緊—-”頂！又比人早一步，幾時先到我唔洗做，可以返老豆到呀”！」

 

如果我真係離開，你唔好為我傷心，I go to a better place，個到無痛苦，只有愛（唔洗返工，唔洗交租，唔洗擔心嫁唔出！）！呢個係我所相信！大家唔捨得，我都明，但只要你想信，你都可以去到個到，我地一樣可以再見！

 

我知對於所有野都係靠自己既人，你唔會想信！我以前都係，個我都經歷左好多！當然每天都係學習中，我自問亦唔係一個好既基督徒，但你要知基督徒同其他人其他無分別，佢只係一個黑衣，但佢知係邊到有飯食！比飯佢地食既人無要求佢地有乜回報，只希望佢叫其他他黑衣一齊黎食。

 

我知我將來會去邊，我唔擔心，我亦唔驚！我唯一擔心既，係我媽媽！我相信如果我比佢先走，佢會同尋日個個女仔既媽媽一樣咁傷心！喊到收唔到聲！呢個係我唯一心痛，唔想見到既！呢個亦都係我我唯一既原因點解我唔日日祈禱叫老豆比我早D返老家！

我一生中最好彩就係有呢個媽媽！我讀書唔叻，賺錢唔多！無比過好既生活佢，但佢最錫個個係我，我唯一希望可以為佢做既係唔好要佢白頭人送黑頭人！有乜比見到自己既兒女離開更傷心！

 

我曾經問過佢：「如果我比你早死，咁點呀？」
呀媽話：「點呀！你不孝囉！」（問下姐，唔洗發皮四既！）

 

所以，神！你可唔可以比我媽媽早死過我？希望呢個要求唔太過份！

 

如果我真係離開了，我真係希望我個喪禮可以依照我既喜好去辦！唔好掛住大家心裡面既 preception去做，唔做呢D唔做個D唔得嫁 blar blar blar~~~~~！

 

1) Dress code：唔該！No black and/or white！！！四全色係紅、藍、黃、綠，黑色同白色只係光暗，無呢個「色」存在！唔該，真係唔好著黑白，try to be as colourful as you can!

首撰紅色系：紅、粉紅、橙紅、桃紅、珊瑚紅。

次撰紫色系：紫、粉紫…！

綠色都可以好開心!

當然唔洗全身都紅，可以 mix and match，我淨係唔想死左之後以為自己係色盲！（真係救命~~）

 

仲有，唔該！全世界唔好送白色花籃，係咁而都比多少少 colour，道理同上！最好係D好開心既花！基本上你當係我結婚咁 decorate 個場就差唔多嫁啦！（但唔要個D粉紅色心形波波，我唔鍾意！）

 第三，除非我係 over 60歲，加結左婚，有細路，所謂既「光榮退休」。如果唔係，唔該提醒牧師，唔好不停咁提我幾多歲（尤其如果我嫁唔出！！！）。個晚全晚提左 over 30次:「雖然佢只係過左短短三十一年既人生!」

牧師呀！唔會因為你加「短短」呢兩個字而令人聽落去後生D嫁!。當然人地可能唔介意，但我好老實：「我介意！係好~~~介意！」你唔好諗住我死左，你想點就點，邊個死人頭係公開咁講我幾多歲，我個晚就返去搵你！！！

 

詩歌：我地咁多詩歌（首先咁多 friend 係音樂人，作都作到啦，都最後一次囉！你咪當豪比我囉！），唔該~~~~唔好下下都係D一聽就已經唔開心個D！你當攪個party 慶祝我 “promoted”咁就得嫁啦！唱 “rejoy, rejoy”都 ok 嫁！

（呢 part 好似留比 Carrie 同 Anson 攪有D信心喎！就算比我大家姐攪，都唔多係路！都係 Carrie 熟我 style D！直頭攪個贊美崇拜！）

 

而家諗到既係咁多，最後唔該一定唔好比我啊媽黎（如果佢未死），同一定要帶我D仔女黎！（如果佢地仲係到）

 大家可能覺得我唔係路，但點樣先係路？係咪一定要喊到失聲先好係路！點解唔為左我已經「唔洗撈」而開心？將來又有得見！我知…你地個心諗緊：「頂！又比人早一步，幾時先到我唔洗做，可以返老豆到呀 ！」