如果生命就到盡頭既係我，我可能無乜所謂！
餘下既時間，都會係去做吓義工！可能去山區教書（呢個係我一直好想做既事，唔係去教一頭半個月，係去個到終老）！

我對死亡，可以話無乜恐懼。死亡只係另一個開始！以前成日同話劇妹講笑咁講：邊得你咁早安息主懷，咁易得你唔洗做！你就想啦！
係！死，只係去到父神到！實情都幾好！係個到又唔洗辛苦，唔洗諗交租，唔洗追貨期，唔洗驚嫁唔出！
所以我都話過：父，如果你要我為你死，真係無所謂，就算搵唔返條屍都無所謂（要條屍黎把鬼咩！搵到返黎都無人同我收啦！），但可唔可以個過程唔痛呢？（我都好人性嫁！）

但如果要離開嗰個係你最愛，或對你唯一重要既！我覺得 you just take something out of my heart, and there will be empty, forever！
當然，我希望佢可以信主，之後係天家都可以再見！可能如果有呢個頒望，都會好啲！如果知道以後都唔可以再見到佢，而我又留返係到，我真係會諗：我留係到做乜呢？真係不如早啲返天家啦！

我無家庭（起碼無人要我擔心），無朋友（起碼無人擔心我），無仔女（起碼唔係親生要靠我養）！工作上無乜特出表現！唔見得無咗我，呢個世界會有乜唔同！其實真有無我都無乜所謂！

所以人地話：仔女係人生命既延續，只有廷續，先會有將來，有將來先有頒望！
我無仔無女，孑然一身！其實乜都可以無所謂！

但當離開既人唔係你，而你係要留係到面對佢既離開！
其實真係好恐怖，恐怖到我無辦法想像！
我無辦法想像坐係佢床邊，睇住佢離開！
我無辦法想像去幫佢搞身後事！
我無辦法想像係靈堂我個表情會係點！
我無辦法想像點樣面對佢既遺物！
我什至唔知點樣一個人去坐平時同佢一齊坐既 sofa！

想到呢到，我冷笑咗一下！
原來我做咗咁多年人，由十幾歲到瑞士，到現在出黎打滾咁多年！乜都係要靠自己！
由搵學校，到搬屋！由讀書到做野！由香港去瑞士去英國再返香港，機票都無人幫我買過張！
從無人教過我條路要點行，永遠只有人不停話：你唔得嫁！
只有我對自己話：你得！你一定得！你一定要得！因為你唔得就死！無人會幫你，亦無人可以幫你！你無安全網！你一跌就萬劫不復，永不超生！
當我覺得就算天掉落黎，我都有本事頂住既時候！我終於發現有樣野我係唔敢面對！就連想都唔敢想像！

但呢一日越黎越近，無野可以左止或延遲！我已經開始感覺到佢佢既「寒」，我應該用呢段時間去學下點樣接受，亦或珍惜同盡量享受餘下既日子？

我無乜野可以為佢做，但我真係想帶佢去睇一次櫻花！

(103779.jpg )

仔仔係美國賓尼，即係長毛賓！佢地係一孖既！

我個乖女！係SPCA到領養返黎！係安哥拉！

臘腸兔，新品種！

現在無乜相，到個電腦搞掂後，同我學識點 up load youtube時，就大把比大家睇！

最新形勢係：
轉咗工，再升左職，好忙！
自己搬出黎住，好忙！
7月開始讀返書，好忙！
做咗單親媽媽，忙到死！

升職：
呢份工都真係唔知點樣黎，下次再詳細講！但人工比之前“永遠做唔完的工作”多50%。well~~~叫我做 filing 都做啦（但當然唔係做 filing 啦）。但升職係呢個月既事，入黎唔夠一年就升職，都真係幾開心！
Anyway，升職都可以話係神推鬼X，but anyway 叫做升左，但加左既人工就比晒包租婆！但現在做 auto area，乜都係新，乜都要從新學過！
仲要上星期收到既 bouns 比預算既少 50%！死未！well…咁耐我都未死得！即係無事啦！我都要學下，錢係搵得黎就洗得去！如果買到開心，錢算得係D乜！近排唔開心既野實在太多！

職係升左，即係忙左！其實我自己無諗過要升！唉！都係唔好提！總之現在做既野更係多左， resposiblity 大左，仲要出 trip！anyway！叫做”另一個階段”，總好過乜都無！現在張 business card 叫做比人時唔會面黃，當然都唔係乜特別！但諗返一年之前係鞋廠，我都真係好左好多！

自己住：
其實都諗左好耐嫁啦！當然，每個用洗既錢更係多左好多，但希望真係可以令我過返自己想過既生活方式！仲有可以讀返書，當然我都唔知自己仲讀唔讀到（都咁老……），但 well…..叫做係自己想做既事！今日開始起租，我連床都未買！well…..都無法嫁啦！有少少覺得個個都睇死我，但我就覺得我之前自己住咁耐，我就唔信我會死！現在都係住係屋企格離之碼，有無咁易死呀！以我呢個人，最多咪唔記得帶鎖匙！

讀書：
其實一直都想讀，但無時間，無錢，無空間(屋企)，點讀！現在就真係要”的”起心干讀！已經報左，比左錢！係儲學分制，讀到幾多就得幾多，呢期唔得就下期讀！ very suitable for me!不過……我報左7、8月，但現在才知呢段時間我最忙 (好彩只係報左一科)，點都好，都一定要勇字係心口嫁啦！
最開心既係可以有大條道理去買文具~~~~筆呀！我最鍾意既筆呀！
見到D唔同顏色既筆，我就覺得呢個世界真係美好！

單親媽媽：
其實係之前同 ex 一齊養既兔仔！真係我既心肝寶貝（遲D比相大家睇，家吓我個laptop 壞咗！）！其實佢地現在同 ex 一齊，我搬出去都有一個好大既原因係佢地！我要有自己既地方，先可以接佢地返黎！搞咁多野都係為咗佢地！我真係錫到佢地 “load”！
同佢分手時乜都無乜要求，但講到D仔女就死我都唔會放手，現在我等緊同佢地團聚既日子，希望唔會遠！我D朋友話：你現在真係一個十足十係到爭”fu”養權既媽媽咁！其實都係嫁，好彩係呢個時候我升咗咋，唔係邊有錢呀！

講住咁多先！

will up date my state soon!!

答案係…

無…入戲院睇！

但好多睇過都話好睇！

咪係囉！
Simpson 其實係沖滿教育意義嫁，咪等你哋成日話Simpson 教壞人！

But 有件更加開心嘅事，就係因為 Simpson 大電影，現在多咗人賣 Simpson DVD。之前香港無得賣嘅，現在都有！

我已經有齊全大 1-9 個 season 嘅 DVD（下次影張全家褔比大家睇！但咁貴嘅嘢當然係有人送啦！）！

但當我仲“桃”醉係呢大全家福裡面時，上次去比我見到一套 1-17 個seasons，共 103 隻 DVD！即買！

Simpson 大電影，你真係公德無量！

可以留返D錢，200蚊如果用黎買送，可以食羊扒加蠔！女人都係計D婆仔數！

上次去白泥，見到D炸生蠔夠正，剛炸起，所以要左一串 (10蚊，三隻)！我自己就對蠔好一般，家姐就好鍾意食！但佢地今次既蠔，真係幾正！可以因為新鮮啦， i mean 新鮮炸起！好香口，又滑！

一直對整豪都無乜興趣，原因係我唔多鍾意食蠔！但自從我食咗咁正既蠔之後，我就開始諗吓點樣煮蠔！

其實蠔都同其他海鮮一樣，只要新鮮，都係“求其”煮吓就得嫁啦！

好！今個星期就整炸蠔（真係好求其）！首先，洗蠔，攞 d 鹽去洗（最好係粗鹽）！用鹽洗完後，就用水沖干淨 d 鹽！

用 kitchen paper 印一印 d 水，用麵粉撈撈（多餘的要“等”返出黎），之後放落 d 蛋又撈吓！

之後就撈 d 麵麭糠上去，就可以炸！以上既都係喺個腦到諗，今個星期試吓先！