食蠔！食蠔？
回應(3) | 回應的RSS | 暫時未有引用通告| 
(0)
鹵水汁
近排好少寫 D Leisure 嘅嘢，因為排真係做嘢做到唔識講笑（講到好似做苦要咁添）。所以都係寫返 D 好笑嘢先。
今日媽媽用柱侯醬來煮猪肉，，因為係李錦記，無乜味精（食唔出當佢無），所以真係好好食。我叫媽媽千其唔好倒咗 D 汁，留係雪櫃等我可以攞嚟送飯。但媽媽話呢 D 汁係留返，不停加羅白（唔知會唔會整到好似人哋嗰 D 三十年鹵水汁咁呢）。
令我諗起我以前在外國，真係一支（其實係一煲）鹵水汁走天涯。嗰時只有一個電飯煲，煮乜都係靠佢，所以會用佢嚟煲一大煲鹵水嘢（真係好難講係 D 乜，因為買到乜就落乜；例如有蛋、豆腐、肉、黃牙白我都試過，係無乜辦法嘅情況下，大家都會發揮到你嘅「小宇宙」），跟住送飯。
現在諗返起，真係唔知我嗰時點解可以日日食，都仲會覺得好食。可能因為嗰時唔食呢 D 就係食學校 D 嘢食。肥過肥仔水就唔洗講；仲要難食到無人信。
我哋都研究過，其實就算佢哋只係用滾水煮都好食過佢啦，身為酒店學院，煮 D 嘢竟然衰過全校學生，佢哋真係要…
其實我都依然覺得「家有一煲；如有一寶」，起碼做完成日嘢，返到屋企先發現個雪櫃係「吉」嘅，最少都仲有煲鹵水汁。可能大家會問，雪櫃係「吉」嘅，咁仲有 D 乜可以用嚟鹵呢。非也非也，當係呢 D 咁嘅「特別時期」仲煮乜呀，更係用 D 千年鹵水汁嚟撈飯。
大家唔好以為好慘呀，呢 D 加咗無數咁多嘅雞翅膀、雞肶、猪肉、豆腐、白羅白嘅鹵水汁，真係頂得住香港賣三、四十蚊碗嘅三十年牛腩麵。
但大家如果想自己整一煲家全鹵水汁，其實都好簡單，買支李錦記鹵水汁，用完後唔好倒咗佢，要煲返滾，莊入個瓶到，就算唔用都要間唔使就攞出嚟煲返滾（就算一直都係放係雪櫃內，都要返滾）。記住呀！要整「千年鹵水」係需要時間，我都想我媽媽整煲「家傳鹵水汁」比我做嫁妝呀！
咸甘桔
(已是 03 年翤º俠- 17660.jpg )
(?俿?- 17661.jpg )
家中實有 D 你唔知點樣；個樣都幾恐怖，但媽媽又唔比你丟，仲要病時候變成“天山雪蓮”。
家中咸甘桔算係其中一樣，唔同係我知 D 咸甘桔係點。
都已經係兩年幾前事。
在新年時，我大廈大堂有幾盤桔係到。
時我又衰多口（其實都唔可以噤講）話：如果係外國有咸甘桔就好啦，凍起上有咸甘桔沖水飲真係差好遠。
咸甘桔更係自家做係最好，我媽媽就想做 D 比我帶走。但係我又冇桔，點樣做呢？
大家唔好以為我媽媽噤勁，走去偷人 D 桔，呢樣真係要“多謝”個護衛。
話說有日我行過，我媽媽提到 D 桔噤靚，過年就唔要真係浪費。
個護衛就好似係“同鄉”噤，一講到桔，就到同一樣話：最好“葉”啦，“葉”不知幾靚，唔同出面買 D 嫁。（亞叔，你係咪比我媽媽收買呀？你講 D 好似對白噤！）
我只係講兩句就走，唔通真係大人大姐係到“採桔”咩，但唔知個護衛係咪好想要 D 咸甘桔，我返到時，佢竟然“採”晒 D 桔。係！採晒！用兩個“惠康”大袋入晒。
本來我都好多謝佢，但唔記得同大家講：我第二日就會去韓國玩。如果返先“葉”， D 桔整壞晒啦。
結果我就即刻去買兩大包鹽，媽媽就立即“煮” D 桔（係呀！唔煮下佢先“葉”， D 桔會冇噤靚，係亞媽話）。
雖然忙成晚，但我就見到呀媽忙得好開心。結果我有五瓶咸甘桔。
我時帶一瓶走，其餘的多年來都冇人掂過。
直到我返，識“佢”，有次佢喉嚨唔舒服，我就即該想到呢 D 老人家先會用“秘技”。
現在每次我喉嚨唔舒服，佢都話：你屋企有咸甘桔嫁，飲 D 啦，好嫁！
真係唔多想聽佢講，但又衰在次次一飲就舒服晒，真係要贊：亞媽你好！
回應(4) | 回應的RSS | 暫時未有引用通告| (0)
燉蛋（鬼佬個隻）
見神兄一個男人（我相信你係男人，如果唔係唔該通知聲，我會改返）“整”燉蛋“整”得噤勁，身為一個自認係識煮之人都要快 D 落下場先。
一直好想寫點煮 D 好簡單食，唔係因為我唔識煮 D 難（血鴨我都識“整”），係因為我想寫 D 教 D 完全唔識煮食人煮。
好欣賞神兄作品，因為佢真係做到“唔識煮，睇就明/識煮”呢個地步。
- 文字簡單
-
提到好多“小 tips”，大家唔好以為冇呢 D 係小事，衰 D 講句： SSSS…同鮮都係睇有冇呢 D 技術。
-
用非常之“噤都唔明”口問，去“解釋”，所以唔煮都可以“娛樂”（睇當煮）。
我一向都有研究 receipt，發現越新 D 越屎。
“Pre-heat the oven, put it in and wait until it is done” 
真精彩！“pre-heat”幾耐先夠；幾 heat 先夠 heat；“wait”太約幾耐呀；點先係 “done”呢？
我想識英文都唔洗買佢本書。
神兄！出書啦！幫到好多學者（學生）；同攪死好多唔係文盲廚師！我支持你呀！
死啦！我 D 噤文筆，真係寫都唔知 D 人明唔明！可唔可以用英文寫？
Creme Caramel 燉蛋（鬼佬個隻）
- 蛋兩隻；牛奶 500ml；雲呢哪豆半條，唔方便就用雲呢哪香油啦；糖六湯羹，最好更係用最上等既糖啦，但首次做就是但試下先啦。 （老實講，係大約嫁咋，亞媽話：有段估，冇痛苦。唔好比 D 死玩死 D 生人呀）
- 開焗爐，preheat 至 150 度。﹙焗盤唔洗放入去，仲要兩隻可放入焗爐既碗，但你鍾意用一個大既都得﹚
- 將四羹既糖放在煎 plan上﹙用煎 plan 好過用煲﹚煮至咖啡色﹙成為焦糖，都需 D 時間，可以開始下一步﹚。
- 牛奶加餘下的兩羹糖，倒入煲內慢慢加熱。
- 將雲呢哪豆中間“湯”開，” New” 晒裏面 D 種籽出黎，連皮帶種放落牛奶慢火煮至滾，唔好大滾，微滾。﹙請記住你仲有 D 焦糖煮緊，係焦糖，唔係要 “”糖﹚
- 同時開始發蛋。
- 牛奶滾後，關火。等到唔係滾時，將牛奶“撞”落蛋漿到。
- 用 “格” 麵粉既 “格”，去除 D 打唔好既蛋或其他既粒粒。
- 將之前（3）焦糖分別倒入兩隻碗內，再倒入（8）蛋漿。
- 碗放在焗盤內，再倒室溫水到盤中。水最少也要到碗一半高。
- 焗爐用 150度，焗 30 分鐘。
- 取出後“up-side down”噤倒在碟上，攪掂。
Tips:
-
雲呢哪豆好似條旱何蘭豆噤嫁﹙長長的，深啡色﹚其實雲呢哪既味道好主要係係 D 種籽到，好細粒，細到好似粉禁，但 “new” 出黎時會粘在一起，因為有 D 汁。
-
有 D人鍾意在焦糖加 D 橙汁調味，但記住係在 D 糖未溶晒之前加。因為糖既沸點其實好高，你見佢溶下溶下時，其實已高過 100度。到個時先倒 D 橙汁落去會道至兩件事發生。一) D橙汁煨晒，所以有 D SOUR；二) D 凍既橙汁倒落熱既糖到，”單”到飛起，”辣” 親自己加洗 WOK 甘。
- 牛奶要倒未熱就倒入煲內，慢慢加熱，倒左牛奶先 “new” D 雲呢哪都得。
-
D 蛋係咪新鮮真係食得出嫁，最好用室溫蛋，唔好“賴醒”用貴價“力康雞蛋”，用普通雞蛋就得（黃色 D），因為蛋黃部份比校多，會“香 ”D。冇或唔知我講乜就當我冇講過啦
-
格蛋漿時D 雲呢哪豆既種籽格唔到都冇所為，呢 D 先證明係用“正”黎做， D Friend問點解有點點仲可以串佢唔識添，哈哈哈…
-
記住係牛奶“撞”落蛋漿，唔好倒轉。仲要“一氣呵成”倒落去，如果唔係 D 蛋會一舊舊。因為 D 牛奶係熱；蛋漿係凍。牛奶好似令最先接觸到蛋熟。
-
將（9）倒入有焦糖碗內時，請留意焦糖溫度唔可以太高。
-
請記焗爐溫度同時間係會受焗爐大小及火力有影響，最重要係盤中水係永遠唔應該滾。
-
其實重有另一個做法就係唔煮焦糖，做個燉蛋之後取出，再將個焗爐上層發熱線效到最高。在燉蛋面沙上沙糖，用極速將燉蛋面上的沙糖 “變焦”（係呀， D 猴子一定好鍾意）當然啦，呢個方法係唔洗整焦糖（即係洗少 D）。但請留意你個焗碗呀，唔好用你今晚食飯碗焗呀，唔係又有餐洗。
唔好睇小呢一個燉蛋，呢個係其中一個幫我大學 year 1 A“送”嫁。
原文 — 死神 — 2005-11-17 03:20:01
其實打字之前本來想話今晚整左燉蛋食，只係唔覺唔覺就離晒題
依家不如講下燉蛋點整當應左個標題過到骨就算lor三隻蛋整兩碗份量，兩個人依偎前後最o岩…
蒸架連埋兩個碗要預先放入鑊度，水要裝到掂到個碗底，然後用猛火煲滾
用個湯碗，打好三隻蛋備用，
用少少薑磨成薑汁，隨個人口味喜歡添減，然後將薑汁加入蛋漿裡面
用冰糖煲一飯碗滿ge糖水，(要幾甜自己決定，我又唔係特區政府，唔駛樣樣野都要教卦)
將煲滾ge糖水慢慢倒落湯碗與蛋漿混和！
記住！慢慢倒+一定要不停咁攪住
如果唔係變左名副其實ge蛋花甜湯就唔係咁好….
混和之後將蛋漿平均倒入預先預熱左ge碗度，
然後蓋好繼續用猛火蒸約12~13分鐘左右就ok
ps
唔理你用口吹定係點！
將蛋漿倒落碗蒸之前最好先將那些泡泡幹掉，
如果唔係碗燉蛋蒸好左就唔好睇ga la
回應(2) | 回應的RSS | 暫時未有引用通告| (0)
| 1
