Lisa Simpson

WTO？ sorry 唔多關心呢件事，雖然平時都係灣仔常客，但呢排都係在大嶼山北到發展多。

但都有睇「新聞」，兩日都見到有請願人士（外國人），有組織，有預備地和警方發生衝突。

嘩…佢哋嘅有組織程度可直比警察，成隊軍咁。睇影片就覺得佢哋完全無意思係做請願。

雖然我相信唔係全部請願者都係咁嘅人，但真係令我好大開眼界。

基本上香港人都係在理智嘅情況下游行，就算真係有衝突，都係因為要“比信”又或者 D 警察叫佢哋行入 D 先會有。

但見今日嗰個情況係：我係想特圍，係想同你有衝突。

真係唔知呢 D 人嘅正職係咪 anit-police officer，做晒 preparation 都係第今日（呢幾日）。

今日見到 D 警察，我都覺得佢哋辛苦，之前 D 人請願，你都知佢哋係想點，但今日見到 D 人，其實係乜都唔想，只想同 D 警察過唔去。

本人年紀少（無想過會講呢句），未見過 76 年嘅暴動（係咪 76 年呢？），見到呢 D 事，好老實講，真係希望快完。

攪到香港好似打緊仗，就算在街上先到 D 成身標語嘅人都覺得好唔平安，我唔係想對佢哋有偏見，但見到佢哋請願時真係好唔係路，我點知佢哋幾時會“唔係路”嫁！

我真係好想多謝 D 警察哥哥，老實講我相信佢哋做乜都唔係好討好。本地人又覺得佢哋封路好麻煩，請願人就更加“曾”死佢哋添啦！

但如果無咗你哋，真係唔敢諗香港會變成點，但我相信無人會多謝你哋。但我真係好感激你哋，因為其實你哋係做緊一場大 show 比全世界睇，人哋就會睇香港有幾發達繁榮，同幾安定。

D 部長就由佢哋講，你哋每日都佔好大篇幅嫁，D 人點睇香港都係睇你哋，無你點掂。

香港勝在有你哋！

空姐同地勤有一樣嘢係好似同好慘（我覺得！）就係要打扮得一絲不究，同一化“行”妝視人（最少我覺得係“行”嘅！）！

我唔知大家會點樣呢 D “基本要求”，有 D 人會覺得呢 D 係做「人」嘅基本要求。一出街基本上都係咁…靚！

但我係一個好“求其”嘅人，平時出街都唔會化妝，除非嗰日特別都靚 D。我最關心嘅係，唔都整到 D 皮膚越來越差。自問自己嘅皮膚都唔係天生麗質，就更需要好好處理護膚問題。

我真係好懶，但點都真係要堅持要落妝落得旱淨。所以先有計劃要在車上就落妝，因為嗰時係最得閒。但我都驚到時好多都係落班嘅人，即係話成日都會見到面，咁我又真係唔係咁好意思大無私樣地落妝。

到時睇情況先算，但大家有無乜 ideal 可以在車上護膚，同好易嘅護膚方法可以教吓路。

哈哈哈…

今日十點未到就有電話，平時呢個時候 D 電話我係唔聽，因為通常都係 promotion。但今日我見到個電話號碼，我認得個號碼。就更係聽啦！

好嘢！佢哋正式話請我啦！但明天又要去機場個 D paper work。

昨日我得閒無聊睇吓 D night bus 點行，點知原來 D 巴士只係去到零晨一點鐘左右。

呀…咁如果要做到兩三點咁點算呀！

我無聊上嚟又去睇吓東涌 D 屋嘅租價，其實都唔係好貴，但都要有人同我一齊租先得嫁。我唔介意住 D cheap D 嘅地方，返正都係瞓幾個鐘。唔知有冇房租，又或者村屋租，只買平 D 就得。

大家有冇ideal d 空姐同地勤零晨時分係點走嫁？

近排很少和“你”出街，因為你有你忙，無乜事都真係唔想出街洗錢。

但開心又唔一定要出街，嗰日你係到幫我整電腦，我在旁邊摺衫。說話不多，但個感覺很開心，很滿足。

其實只要係同你一齊，就算係每天都會作的平常事，都變成一件“賞心樂事”。只要同你存在於同一個空間已足夠。

之前在網上見過，但今日就真係親身見到。

絕對係衛生巾嘅包裝，我相信大家都見過啦！

仲要係「超厚棉層」，一盒五包，每包四片，咁一個月要買幾多盒先夠呢？！

失戀要用 60mm，但呢盒只係 55mm。

但其實內裏嘅棉花糖只係好普通嘅包裝。

其實呢包都係朋友在台灣買的，唔知香港幾時先有時賣。

講都唔信，今日先知原來我有個好姐妹都係去 in 空姐，仲得咗添呀！

老實講，我之前都講過，如果空姐同地勤，我都係揀地勤，因為有「將來」。但現在見人哋得咗我衰咗都始終覺得給比下去。

自己都覺得自己衰，多年好友，都唔“底得”人哋 in 到。雖然不至於“嬲”，又或者黑心都佢衰，只係自己唔開心，但都覺得唔要得。

仲要衰到，另一個朋友問我去唔去 in 港龍空姐。我就諗都唔諗就話：如果地勤請我就唔去啦，我都係鍾意做地勤多 D 。

既然已得到自己想要的，仲乜成日要唔底得人哋？

當中當然有少少（或者多少少）係因為錢呢個問題，空姐賺多好多。只能希望做得開心同有得 develop啦！

今日終於 in 完 2nd in。

老實講，真係普通過普通。其實都係問返：

1. 星期六、日都要返工，你點睇呀！
2. OT 點呀！
3. 零晨先放工，你點返屋企呀！

都係差唔多呢 D 嘢啦，其實我覺得問題唔大。佢哋都話：你都無乜問題。又有經驗，學歷又。

但當然希望唔會食“咋糊”啦，如果唔係就會好失望嫁啦！

但仲係成日諗份人工好低呢個問題！點先可以舒服 D呢！