Lisa Simpson

呢幾日天氣凍，當然仲係好旱。但天氣凍都要沖涼嫁，但因為大凍，所以真係“求其”沖完就出去。因為之前就因沖涼時凍親，病咗好鬼都未好返。之後都怕怕！

呢幾日就真係太旱，所以我沖完涼都會用 BB 油，但唔知點解，用咗 BB油都係成身痕。我已經用咗好多，但仲係見到成隻腳白晒（即係好旱）。

我媽媽話：呢 D 更係死皮嚟嫁啦！我諗唔“去”咗佢就用乜都唔吸收。

就係聽咗我媽媽呢句話，我就用返磨沙手套來沖，之後再用 BB 油。嘩…真係好好多，我現在無做“白雲鳳爪”，亦無再“身痕”。現在真係舒服好多！

真係多謝媽媽的一句說話！

昨晚好姐妹（即空姐）生日飯局，有 D 人我都唔識，唔緊要，最緊要好姐妹開心。

去咗有骨氣，仲要注明係灣仔之前係“夏蕙酒店”嗰個位置嗰間，我哋開咗房係三樓。

嘩…真係唔得你死，係人都知打邊爐就乜都自己來，唔多洗 SERVICE嫁啦，咁即係 D 工作人員唔多嘢要做啦，但你哋都唔好真係乜你都唔做呀！

收我八蚊一個茶位，十五蚊醬介，唔緊要，雖然唔係成枱人飲你都係照收，但唔該！你要沖水先會有茶飲嫁！我哋由七時半到比錢十二點，都唔知有無沖過三次水。我知你哋想我哋飲酒。但有 D 人係唔飲酒嫁，飲咗會死嫁，死蠢！好彩我都仲可以飲兩口，都只係兩口，攪到我要飲座我格離嗰個，我叫佢“老豆” D BEER。

就算叫酒飲都唔係一件易事，都係要親身去找佢哋，先“有機會”落單！仲有每次落單（包括落食嘢嘅單），你哋其實係咪唔多想我哋食多 D 嘢嫁！

壽星女帶咗兩支白酒（請記住，係白酒！！）上去，我哋就叫佢雪住佢啦！當然要收開餅費，五十蚊一支（即齊開都要一百），都預咗嫁啦！點知佢都得嫁！支酒一 D 都唔凍，冰桶又無，跟住個呀姐仲要話：點開嫁？

補充一下，當中半張枱嘅人似做飲食業，我“老豆”做過香港最高級餐廳，現職行政經理，佢即刻講：得啦！唔洗你！我哋都想比個“開餅費”，但唔該你最少都要識得攞個“開餅器”嚟，我先比到錢你嫁！

好啦！個湯底到啦！一開蓋…SORRY 請問我哋來係飲骨湯定打邊爐？我絕對相信佢哋嘅湯底係用大量骨煲的，因為全部都係我哋個煲內。唔該有無人可以幫幫手，食少 D 骨先，唔係打唔到嫁喎！係完全無位“落”嘢！

老實講：我大姐經常帶我去打邊爐，佢呢 D 富貴人，打得嘅都唔係平嘢（去大家樂係我提意，但係都係佢比錢），我哋通常去“譚魚頭”多，因為近佢（比錢），而自今次之後我都係會留首“譚記”。

首先，譚記 D 湯底特別 D （完全個人口味：推介蕃茄湯底，試過你就知！）；嘢食多樣化 D，在“骨記”見到嗰 D 都係同街邊差不多（咁點解我要比廿二蚊一碟生根呢），我真係估唔到我係去到食丸（呢 D 日子只係在英國窮時嘅過節食品），你話死未！ SERVICE 好， D 氣氛好 D（比碼用我“不”湯） 。價錢可能差無幾，但起碼叫做食咗 D “唔係係屋企到食嘅嘢”。

“骨記”就算竹水都要 80 蚊JAR，都唔知佢點做生意，又唔係好食。成晚最“特別”就 D “唧唧魚麵”，但老實講，現在一 D 都唔特別啦，到到都有得食啦！

我都係令領願去“譚記”。

呢幾日真係好忙，之前改到嘅 trainning cd rom，睇咗幾個 chapters，之後發現 D result save 唔到。

結果又要做過，真慘！仲要只有公司一部機做到，真係慘！

我個電腦要帶返公司，做 notes 用（一部睇 CD Rom，一部寫 notes）！

我睇呢幾日都無時間寫 blog！

sorry！用你 ball 少個名（唔知點解硬係有個感覺加個“少”字在後很適合你），之前都有睇 ball少 D 文。老實講，其中一個原因係因為 ball 少都係用 simpson 內人來做「大頭相」。

見哥仔在小妹網上有留言，所以現在睇得仲多。但睇得多後發現 ball 少實在係一個大「掂」人。識又多，仲要唔係「識少少」，係好深入隻。真係好配服 ball 少，仲開始有少少頂唔順，因為你太勁。睇得多會好無自信。

以上全是真心話，唔係講反話，我唔鍾意人直接講就得，我都唔怕得罪人！

今日去機場攪 paper work，當然有其他同事。當中只有一個係男仔，仲要其實佢係做飛機部（我諗係維修囉）。

雖然真係有男有女，仲要有大有細，但大家講講吓都係講同一樣嘢。就係三更（唔係鬼片）半夜點返屋企。

其實大家都覺得如果真係做落係會長做，都係諗住出嚟租屋。如果唔係真係車錢有排計，仲要每日兩個鐘返工呢！

我想信到時就好易找到人“同居”，個個都有同樣問題嫁啦！

今日病病地都去機場攪 paper work （其實病係咪唔應該去 D 咁“公共”嘅場所呢？），本來都唔多想，但免得人哋以謂我想去 walk in，同我真係想快 D 攪掂佢，唔好煩。

今日攞到張 trainning 嘅 CD-ROM，真係一 D 時間都唔浪費（我話佢哋），一早就比定 D 嘢你返去讀。雖然仲有成差唔多兩個星期，但佢要我哋讀嘅嘢真係一 D 都唔少。我想信要快 D 攪掂佢。

我但 Laptop （我係一直用 laptop）係無 CD-Rom，第我 link晒所有嘢，同收拾晒張枱諗住用嚟做長期作戰之地（因為仲有成兩個月喝嘅 trainning，都唔方會易），準備晒 D notebook，發現無 floppy driver 所以係唔可以同我自己個電腦做呢個 study。

真慘，攪咁耐先話唔得，我想都係日間無人在家時，用家姐個腦做好 D。現在都仲係有 D 病，休息多 D 先，如果唔係真係唔知點頂落去。

我仲打算聖誕節同“男人”一齊玩得開開心心嫁碼。現在都係盡力做完佢先，仲同家姐打算開工前去玩吓添。可能只係去內地，但睇死開咗工就有排唔洗旨意有自己嘅時間玩，更係現在玩吓先啦！

今晚早 D 瞓，明天早 D 去做uniform 跟住返家讀書！呢排可能少 D 同大家講嘢啦！多多保重！

今日返去機場做 paper work，估唔到即日就要做證，當然仲有其他在開工前要準備的事。

我昨日唔知做乜死，只係預咗個半鐘來準備同車程，就算唔車程最少都要一個鐘。我突然醒起，覺得唔多係路。再計一計，即刻攞晒 D化妝品就出門口，上咗車先算。

今日我真係在車上化妝，成層（上層）數落都唔夠五個人。唔好話化妝，做 mask 都得。最後當然都係遲到。但都 ok 啦，佢哋都係填緊表姐。

今日仲要做驗身，同禁區證。好彩驗身唔洗抽血，我最唔鍾意抽血。只係磅吓重，量吓血壓，驗吓你有無色弱。基本上都唔會有乜問題，好彩唔係驗得噤 detail，因為我 Ｄ傷風仲未清。

但 uniform 就要去第二到做（都係公司比錢，只係唔係在機場），我想明天就會去做，唔知點解佢哋都話要做成個月。未做好前要 FORMAL DRESS CODE。

但最金嘅係佢哋已比咗隻 CD-ROM，係 trainning 用，由現在開始要自己睇每個 chapter 大約要一個鐘左右，睇完每個 chapter都有個 test，只要其中一個 chapter 唔合格，上班（開始 trainning 後）都要補考。真係你話死唔死。

我想我要準備讀書啦，因為我個電腦係用外至 CD-ROM，所以如果我要“長期”用 CD-ROM我就會用張我哋好少用嚟食飯嘅食飯枱。由現在到交 RESULT 前都只係得少於兩星期，所以真係要小心 D 做，因為我真係唔都考多次。

請大家支持我呀！