今日“男人”同我一齊去莎莎，我當然有我“好重要”嘅嘢做，唔係好得閒理佢。一個男人在莎莎呢 D 地方可以做乜呀（現在回想都覺得佢慘，但當時真係唔多得閒諗呢個問題）！
直至行到買 CREAM 嗰到，佢攞起支 CREAM 問：我用合唔合式。（用來做乜先，用係面到定腳到先得嫁！）
佢竟然話：我近排 成身都癢，好辛苦！可能太旱！（你有無攪錯呀！又話成日睇我個 BLOG，唔該你睇返「去死皮」先啦，一早教咗你點解會成身癢，你 D 都唔聽，癢都底你嘅。）
跟住我哋就去咗睇“按摩手套”，佢仲話驚自己隻手太大，唔合“手”，我叫佢去死啦。對“按摩手套”好似網咁，乜 SIZE 都合“手”嫁！
睇完手套我哋（其實係佢）就見到令莎莎成功嘅其中一個原因～就係有好大張 SOFA。大家都知好多“自由行”人士，女嘅就話行莎莎，男嘅更係「坐」莎莎啦。所以“男人”就和其他男人一齊坐莎莎。
坐幾耐至夠？坐到我行完為止囉！
回應(3) | 回應的RSS | 暫時未有引用通告| 
(0)
今日同“男人”去行街，行下行下就去咗莎莎，本來只係想睇吓，但見到佢哋 D 化妝掃。心諗將來都係要用，不如買一套，包個袋嗰 D 仲好。
佢哋有幾款，最平嗰套先三十幾蚊，最貴好似百幾（莎莎自己出嗰 D 唔係其他牌子）。其實都幾底，因為貴嗰套有成十幾支掃。但老實講，我又真係唔需要咁多唔同嘅掃，咁多我都唔識用啦。而且我都唔係咁“捨得”用咁多錢買掃，我已經用咗好多錢來 PREPARE 返工要用嘅事，呢 D 錢都係唔好洗咁多。
所以我買咗最平嗰套。返到屋企後當然係 CHECK 吓 D 掃，其實化妝掃（對於我來說）最重要都係兩方面；一係唔會一路用一路丟毛；二係唔會掃到個面痛。
嘩…真係講都唔信，完全無丟毛嘅情況，係真嘅。我當然無“拉” D 毛啦，但不停哋掃呀掃啦都唔會丟，真好。我之前用 THE BODY SHOP 嗰 D 都丟到一面都係，真係頂佢唔順。
仲有佢哋 D 毛真係好軟，真係完全唔可以相信係咁平嘅貨色，如果加個皮套真係可以上大場面。各位姐妹如果係諗住買掃嘅真係可以考慮吓莎莎呢套化妝掃，佢係 $39，內包五支掃同兩個粉拍（但 QUALITY 就一般，我相信我就唔會用，因我有大把），同個化妝袋（個袋仲有 D 位放嘢，都幾實用嫁）。
SORRY！現在放唔到張相上 BLOG，睇吓明天比唔比到大家睇啦！
後補：
(22651.jpg )
(22653.jpg )
回應(5) | 回應的RSS | 暫時未有引用通告| (0)
本來諗住可以同“男人”一齊過今個聖誕節。但今年都唔知點解咁黑仔， D 時間點想安排唔到。今年都唔知係咪無得同佢過。
我哋本來諗住去佢屋企煮嘢比佢食，我已經諗晒要煮 D 乜嫁啦！仲要諗咗好耐嫁啦！
我仲諗住可以同佢食餐好嫁添。現在都唔知要等到幾時先可以同佢食餐飯。我下個月就要開工，之後都唔知有冇二人時間。
真慘！
回應(5) | 回應的RSS | 暫時未有引用通告| (0)
今晚同親戚去咗食韓國燒烤，其實我就唔多想食，因為熱氣。但我想呢個算係比較多人接受。
但食嘅嘢同六七年前嘅真係差唔多，講真真係無乜特別。
但八十八蚊又唔係真係好貴，事但啦！
食食食，我真係唔知幾時先可以減到肥！韓燒仲要係好死外肉添，今次真係慘！
回應(2) | 回應的RSS | 暫時未有引用通告| (1)
之前講過我新工要梳髻，但我個“死人頭”，就相當唔比面，我真係唔多知可以點擺掂佢。
有人提意我去做負離子，但我姐就話負離子只係整直 dD頭髮，做游離子好 D（我兩樣都無做過）。
唔知大家有無試過以上兩樣嘢呢？大家知唔知個分別呢，最重要係我都唔知邊到做好，因為我相信個師傅手勢都係一個好重要嘅因數。
之前我去開嘅 salon 又無咗，我一開始都諗住如果真係做呢份工時，係會做負離子，因為我 D 頭髮都幾“自然”，我諗做咗負離子會整齊 D 。
大家幫幫手比 D 見意，多謝晒！
回應(5) | 回應的RSS | 暫時未有引用通告| (0)
呢排除了忙於讀書，準備返工 D 嘢。仲有一樣嘢我都係煩，就係點整 D 頭髮。
因為公司要求我哋全部都要束“繼”，但我真係唔多知到點樣束“繼”。我 D 頭髮又多又硬，真係唔知點樣好。
唔知大家有無辦法呢？仲有大家知唔知上當有無得學嫁？
回應(8) | 回應的RSS | 暫時未有引用通告| (0)
睇完晴天娃娃嘅文章，令我想起我姐成日話我係一個主動同人打開話題嘅人。唔…我想我真的是！（我同留下 D 看更都幾熟）
可能因為我係一個幾怕 DEAD AIR 嘅人！有時會主動打開話題令氣氛 WARM D但呢個只限於令大家都覺得好 D 嘅感覺。我又從未試過問人攞電話。
但一遇到自己有事，想尋求別人幫助時我又真係一 D 都唔主動。
記得在瑞士好悶嗰陣睇過一本林燕妮嘅書，當中提到兩姐妹，個男仔在樓吓見到到個妹（佢哋未識），攞住一個大行李。妹妹就主動叫個男仔幫佢手搬行李。到個男仔幫完個妹落到樓，見到個家姐又係搬緊但大行李，但家姐就無出聲叫個男仔幫手，但個男仔都主動幫佢，因為佢覺得個家姐有需要。
我之前同“男人”講過，我係家姐；其實個心好想你幫，但唔會出聲，希望你會自己見到我嘅需要而出手。而呢個男人出得手，就唔係因為你嘅一個“秋波”，因為佢想我好先幫我，亦唔係為咗 D 乜回報。所以亦更上心。但妹妹嗰 D ，一年有成百個人幫過佢，記得你先奇！
上次我去 INTERVIEW 識咗幾個 FRIEND，但無一次係我主動攞電話或 E-MAIL。
“男人”係一個好主動幫人嘅人，到現在我都間唔使聽到人哋講“男人”以前點樣幫佢哋，嗰時佢哋都未識。有人咁讚“男人”都幾有面。當然我都係當年都受過佢“恩典”，但佢幫過咁多人，應該好多女人死在佢手先係，點解我又會咁“好彩”嘅？
原文 — 好天氣先生 & 晴天娃娃 — 2005-12-22 01:50:03
晴天娃娃
如果大家遇上這樣的情況，會怎樣辦呢?
回應(4) | 回應的RSS | 暫時未有引用通告| (0)
