Lisa Simpson

你是屬於水果香形象

你充滿自由愉悅的氣息，總是沉溺左遊樂場當中，象個天真無邪的孩子。有你在的地方，整個氣氛都會興奮起來，所以你是聚會中不可或缺的人物。

雖說你個性開朗，受到大部份人你的喜愛，但別人一般認為難以跟你成為親密好友，即是說，你給人的印象只是個搞笑能手。

有些人覺得你愛玩弄別人，依賴性強，所以不太願意親近你。

不過，真正的你n其實十分成熟穩重，正因透徹了解你的人不多，所以知己朋友也相當少。

我都覺得幾準！大家試吓啦！

原文 — 超超 — 2006-01-07 19:29:02

http://hk.geocities.com/hataryuhk/game.htm

你是屬於草香形象

話說上星期我病咗，呢個當然又係一個「可以發皮氣」的日子（基本上要發嗰陣佢都係硬食嫁啦）。所以我就打電話煩吓肥肥（即“男人”）。

「你有冇攪錯呀！我病到入醫院你都唔理我！」

「係你話唔洗去睇你，你媽媽同你一齊嫁喎！」

「咁你就唔洗理我嫁啦！！」

「你都知我嗰陣係唔得閒嫁啦！」（我係知，但唔代表唔可以“發皮氣”啊！）

「即係唔洗理我啦，你都唔錫我嘅！」

「我邊係唔錫你呀？！你都知我最錫你，最緊張你嫁啦！」（都知！但唔可以改變我發皮氣嘅「決心」！）

「今次病你又唔理我，你次資都係咁嫁（女人常用句字）！我 D 嘢你都唔會上心嘅！」

「你講親嘅嘢我都好着緊嫁！」

「你有鬼！舉個例嚟聽吓！」（我敢話：十個男人，好嗰 D 就一定舉唔到例，因為佢唔會同你計噤多）

「………」

「無聲出啦！」

下刪三十句“皮氣話”，罵到我玩厭就唔玩，收線。發完皮氣真係舒服晒。兩鐘後電話嚮！

「我諗到有個“例子”，你聽吓係乜？」（有 D 有似火車 D 雞“叫聲”）

「你上次話我個水煲好 dirty，所以我買咗個新嘅，仲會叫添嫁！呢個叫個“雞叫煲”呀！」

老實講，佢個舊水煲真係好 dirty，仲有 D 「貝殼類」住係裏面，你唔係真係要我飲嗰 D水係咪呀，但傌元估佢都慣咗用佢，所以我都預咗肥肥唔會理。但又真估唔到佢會咁快買咗個新，因為上次講完後我都無提過呢件事。

「（笑…）你仲唔瞓？！又話聽要見客！」（態度當然唔同之後嗰 Ｄ 啦）。

既然佢都有本事“舉例”，我都要對佢好Ｄ（今次）。

見人哋整到咁得意，我呢個唔會有機會養猫嘅人，當然花 D 時間都要整返隻。

多謝各方好友，攪咗成晚總算攪掂，但點解我嗰隻 Snowball II的無「屋企」嘅。好似瞓街咁。

大家有冇乜 ideal，我可以係邊到可以找到「屋」比佢住呀？

我真係好鍾意攪呢 D 少玩意嫁！！

真係差唔多有成個幾星期無上網（blog），話說上星期（29/12/05）我同二姐都病咗，又“all”又嘔。我本來都諗住好小事，唔會去睇醫生（無乜錢都係唔好睇，瞓吓無事），係二姐辛苦 D，所以我就諗住同佢去睇醫生。

個醫生其實都係兩街之格，正常情況唔洗兩三分鐘都行到，但行行下我家姐就唔多掂，我就同佢係路邊到坐陣，我哋出門口時仲帶咗個「獲利回吐袋」。座咗一陣都係唔多掂，好彩有個“大叔”同“大嬸”問我哋有乜幫到手。我諗呢個大叔唔係中醫都係做鐵打，佢問：「不如我幫你“推脛”？」（都唔知乜係推脛，但事但啦，因我二姐個面真係白晒啦）。

之後家姐個樣又真係好返 D，咁大叔同大嬸就幫我手，“乎”我家姐去睇醫生啦（諗住）。但行唔夠一個舖位，我家姐就暈低，好彩有大叔大嬸係到，佢哋即刻同家姐塗「紅花油」（我估係紅花油嚟嘅）。我就即刻打 999，我都估唔到我可以咁冷靜，一 D 都無 panic，張我家姐個情況講得好清楚，但個大嬸仲勁，因為我哋係喺條街到，我都唔知個門牌係幾多，正當個 999 人員（ sorry，咁樣叫你）問我個 location 時，大嬸就即刻答我係「 XX 街 19 號地下」。我相大家都知道唔係個個店鋪都大大隻字比你睇到個門牌，原來佢就係去咗睇門牌。我仲見到其實 19 號係無門牌，但 17 號有，所以佢知。嘩…大嬸真係你好嘢！

跟住當然係打電話比媽媽啦。佢一聽到家姐暈咗就即刻跑嚟，大叔就叫大嬸：「車應該係呢條路嚟嫁，你去叫佢哋“洗”入嚟啦！」就當媽媽到咗；到等到救傷車嚟呢短短幾分鐘內，對唔住我已經嘔咗兩次，結果個「獲利回吐袋」都係比我用咗（係呀！我之前都提過我都唔舒服嫁啦！）。

係車到嗰陣，我真係有 D 驚家姐唔知會唔會…。嘩…你唔好有事呀，你係成家人當中賺得最多錢嗰個嚟嫁，我仲未開工嫁，好少糧嫁咋！無咗你，我養唔起呢頭家嫁！去到醫院，我同家姐排唔同嘅隊（因為我無暈，所以都無牀瞓），我媽媽就要兩邊走，又要睇吓我家姐，又要睇吓我死得未。

我都好辛苦，因為只諗住同家姐睇醫生就會返屋企，所以帶唔夠衫，媽媽買咗 D 熱嘢比我飲，飲完又嘔返出嚟（仲要嘔“特”比佢添）。又不停咁 “all”，真係成個肚都空晒。又無得瞓，我真係好想瞓覺，仲要嗰到鬼咁凍添。

等完一排（大約三個鐘），當然見醫生就唔洗五分鐘，基本上醫生就乜都唔洗做就話我係腸胃炎（真係差 D 就想同佢講：Can you tall me something I don’t know.），話“all”晒同嘔晒 D germ就會無事，所以話只會同我打支止嘔針。「醫生，唔打得唔得呀？」「咁我比 D 止嘔藥你啦，但你話食乜嘔乜，食完又嘔返 D 藥出嚟都無用嫁喎！（我個知啦，止嘔藥就係唔食唔嘔一食就嘔嫁，我大姐食咗半年止嘔藥就嘔足半年，都無用嘅）」「得嫁啦（只要你唔洗“針針”我就得嫁啦），我會食嫁啦（但依然照嘔）！」（呢個咁白痴對話真係唔似係兩個受過高等教育嘅人講！）

攞完藥諗住走，但二姐未走得，因為要做多 D test。老實講真係唔知點由 QE返屋企，媽媽叫我等二姐做完一齊走，但真係好想瞓，所以無義氣的我都係一個人走先。

返到屋企（一個人都無），我呢個慣咗一個人病嘅人，就好醒地準備一個人病時要用嘅嘢：開（turn on）電“煎”（要開一陣先暖，所以係第一樣要做嘅嘢。之前在英國就會即刻煲水整暖袋）；準備水同果汁（病在牀上只要你唔想死住都要飲水嫁，有 D 果汁個人就會醒神 D）；襪（我都係手凍腳凍嘅人，有相襪差好遠嫁）；外套（瞓瞓吓要去洗手間，但又凍到死真係唔知去唔去好，仲要將件衫放在被內，如果唔係一穿上身又係凍到死）。好可以瞓！

瞓咗好耐都唔見媽媽返，大姐同小四（弟弟）都返咗。到好晚先聽到媽媽返嚟嘅聲。原來本來我走咗無幾耐醫生都比二姐走，但二姐由 ER行唔到一個轉角位又暈（點解會比佢走？？）咁當然又返去 ER，又攪咗一輪，結果二姐係要留院。（好彩無等佢哋，媽媽遲我成三個鐘先返到屋企，我諗我真係會頂唔順。）

我就一直瞓，瞓到第二日大姐睇完醫生返嚟叫我去食飯，但我都仲係好唔舒服，我都好耐無病得噤辛苦，成晚都瞓唔到，又週身骨痛。我問大姐：二姐好返 D 未。佢話：「仲精神過你呀，不過 D test 未做晒，所以要留多日。」

之後兩日全家都有 D 病痛，但我真係覺得最辛苦係媽媽（佢自己都有病），因為個個病佢都要睇住。

呢件事真係令我想到，我哋 D 醫療 budget 真係好唔夠，我哋座車去醫院嗰陣，我都驚我唔知有無命去到醫院，輛車“登”到好似座貨車咁。去到醫院個洗手間，就真係覺得好失禮，點解好似中國大陸 D 公厠咁嫁，我真係好難相信一個成日叫人「洗手！洗手！洗手！」嘅地方，原來係唔洗厠所嘅！如果唔係肚“all”，又或者呢個係餐廳嘅厠所，我一定唔去！

P.S.：離開醫院後我食咗幾多次止嘔藥：兩次。咁嘔咗幾多次：兩次囉！

佢哋（媽媽同家姐）話半年之內都唔會行嗰條街，免得比人認出就好樣衰，但我又完全無呢個想法喎，唔知係咪因為我唔知醜呢！

今個星期終於開工，其實都係 trainning，但都好死煩，因為又要考試。

今個星期開始要日日六點半起身，都好呀，我一直都想早瞓早起。返正 D 電視都唔好睇！

返學我又唔覺得悶（好多人都想瞓覺），仲覺得幾有趣添。我都個 department 係 trainning 得最耐嘅一個。因為我哋要覺 D 電腦 system！

班中有幾多係未做過嘢，所以有時我都覺得佢哋諗嘢有 D 單純。佢哋覺得 trainning 就要出去跟“師父”太快，唔通 公司養你半年先出嚟做咩，比起我之前做酒店；基本上無 trainning，跟咗“師父”一個星期就要自己攪掂，現在都不知幾好！我都好滿足啦！

其實一齊 trainning 仲有其他 department 嘅同事： ramp, flight operation, airside, baggage, cargo 等等。當中當然有 D 好“奇怪”嘅人，你真係唔知點解佢有本事入嚟，點解我會咁講呢？因為佢哋淨係同人相處都有問題。好彩唔係我嗰 team。

D 同事都幾好呀，做嘢可以識多 D 人都係一件好事，但下星期一就要考試啦，佢哋就唔合格有一次機會補考，如果都係唔合格就通常都要走。點解我成日會諗唔合格呢？因為個 passing rate 係 80，我都唔知點算好。都係聽天由命嫁啦！

下星期一就會去機場到做 fam，我相信都會好有趣。因為我哋都會去內部到睇佢都 D 運作。佢話要行成三個鐘，嘩…正呀！我又唔介意行幾個鐘，做得呢行對腳辛苦就預咗嫁啦。我最鍾意就係睇多 D 嘢。最好有得落停機平到同行李倉到睇，呢 D 我將來都無乜機會會去到，現在有機會更係死都去睇吓先啦！

講多樣好笑嘢。話說 lecturer 話去機場到睇嗰日一定要穿得好 formal（大家都諗到啦，因為要見人呀碼），但佢就提醒女仔穿平低鞋，因為要行好多路。竟然有人問：「咁係咪可以穿玻鞋？」大家自己諗吓！

睇完超超嘅「減肥餐單」，聽落（睇落）又真係幾飽肚嫁，但我相信如果工作時真係幾難可以食到 D 少油少 fat 嘅嘢。

但我今晚為咗座言起行，已經唔食零食，食咗個橙（但係今日同昨日都去咗打邊爐）。我一向都唔鍾意食橙，原因係要“meet”，當然有人“meet”比我食除外啦。

我真係諗唔到有其他方法可以食到 D 唔肥嘅嘢，所以我都係諗住帶磅方包（可能係麥包）返工做早餐同午餐，我都諗唔到其他方法可以減到肥，但我都驚呢 D 日子我頂唔得耐。

除了麥包，大家仲有無其他 ideal 可以比我改吓個餐單，等我唔洗日日都係麥包。

昨日食完飯同家姐行街，見到 The face shop（先達旁嗰間）之前關門仲以謂佢結業大吉，點知完來佢哋裝修，仲收咗格離店開多個位。

我想買支調色粉底，因為諗住將來成日要化妝，用調色粉底可以當 base 用，仲可以保護 D 皮膚添。但睇吓睇吓都諗唔掂，因為佢哋都有成三隻唔同「狀態」嘅粉，真係眼都花。但現在我諗我會買牙膏形嗰支，因為條比較保濕（佢哋話）。個 sales 都幾 nice，但我都係要諗吓先，我家姐都覺得佢哋 D 粉底幾好。

我仲睇咗佢哋 D 捷毛液，因為我一直用緊 L’oreal 嗰支都唔差，但我眼油真係比較多，所以真係會“化”，但將來真係會一個妝要 keep 好耐。我真係需要找一支捷毛液係“頂”到好耐先得。但係呢個 sales （唔到粉底嗰個）就真係唔多掂，我問佢邊支係防水，佢就話支支都防水。 （ok……）咁呢幾支有乜唔同，有 D 個掃係細 D，有 D 大 D（……！）。咁呢支增長嘅呢？可以增長嫁（我就已經問得無聊嫁啦，佢答得仲白癡！）咁真係無乜特別，唔多需要買（當然無講出口啦！）。

我諗如果 sell 捷毛膏嗰個 sales 係好似粉底嗰個 sales 咁 nice，我相信我會買囉（都係打算買牙膏形嗰支，因為得意加好平）。我現在都諗幾時返去買。

結果都係空手離開 The Face Shop，之後都再去咗莎莎，其實我好想買一支可以摺嘅捷毛夾。我相信女士都知道傳統嘅捷毛夾係幾「立體」吓。但為咗唔洗浪費時間，我打算在車上化妝，咁就要帶住 D 化妝用品出街，都係「平面」D 容易帶出街。

去到莎莎，見到一支可以摺嘅捷毛夾，真開心！因為呢支捷毛夾我在 Colour mix 到見到係要 廿九蚊，但莎莎就賣廿蚊，都不知幾開心。但係我都驚佢嘅 quality，唔知會唔會夾斷我 D “寶貝”捷毛（我得好少嫁咩，少到可以數！），我返到屋企之後當然即刻試吓。

嘩…好正！真係估唔到係咁正，因為佢比我平時用嗰支更貼眼，夾得更自然，又唔會夾到我 D 眼捷毛。以前仲諗住呢 D “膠膠地”嘅一定無人哋嘅咁好。但我現在真係好支持大家試吓呢個夾夾，我覺得仲好過傳統嗰 D 添！

唔知大家有無用過邊隻調色粉底同捷毛液呢？可否介紹吓呢？

(22668.jpg )

(22669.jpg )

(22670.jpg )