Lisa Simpson

真係頂和記唔順，個零月就斷一次線，次次都要打電話去叫人來睇！又唔係平。

我現在已經係平日唔得閒上網，只有 weekend，先可以上一上網去寫吓 blog，我真係想呢兩日嘅時間都無咗。

真係唔數和記不是都唔得，大家記住轉 service provider 之前諗清諗楚，唔好好似我咁。

今日都寫得好夠，我都係時候溫書，唔通真係打天才波咩，我讀咗廿年書都未過打天才波係得嘅。

好啦，要讀書啦！

肥肥（男人）今日罵我遲到！

有冇攪錯呀！洗唔洗呀！

話說今日肥肥（男人）來和我食午餐，因為近排唔多得閒倍佢，星期六、日都要留在家中讀書，所以佢就來和我食午餐，之後我就要因家。

今日佢又係來和我食午餐，當然是在我家附近，正當我食食吓時，我見到媽媽和家姐進入餐廳。我即刻話：「我媽媽和家姐在你後面！」當然在呢個時候，我的家人都見到我和肥肥啦！大家都扮冷靜，只係點吓頭，就走過。各自繼續食嘢！

真係好似做戲咁相遇，其實全家都知有肥肥呢個人嫁啦，不過都唔會出聲之碼。但又真係估唔到又會推個正着。

好彩係肥肥自己話要去呢間餐廳到食嘢，如果唔係佢可以會以為我 「莊」佢現身添（講笑，哈哈哈…）。

昨日去咗配眼鏡。一直都知自己對眼唔多好，睇嘢真係唔係好清楚，但都有考慮過係個眼鏡框斜咗 D。但呢幾日上堂，白板上 trainner 寫嘅嘢真係可以話一 D 都睇唔到，都係 靠「同班同學」咋！

想到好快就要睇好多什麼證件呀、機票呀第等，真係唔想因為眼鏡唔好就睇錯嘢，所以昨日去咗配個新的。

想配個帶得舒服 D 嘅，所以想要個膠框，但又唔知返工帶會唔會唔洩係咁好，問咗佢如果我帶返個舊眼鏡框來配鏡片只要加 $150，真底玩。所以現在配膠框，之 前帶我個舊框來配鏡片就得啦！

去到驗眼呢個十分之「唔好玩」嘅環節（我最唔鍾意答 D 我一定唔識答嘅問題；如：第一行係乜字？睇到就唔洗來配眼鏡啦！）。唯一可以令我驗眼驗得「開心」D 嘅就係同個驗眼師講吓笑：「你今日係咪住咗係呢間黑房到（因為太多人，太旺）。」「係呀！今日真係無乜見過光，所以防曬都可以唔洗用！」

驗完眼先知原來我一隻眼深咗七十五度，一隻深咗一百度。鬼唔係睇唔到白板啦！但現在配都要等到下星期四先有得攞，我又唔知好唔好現在就攞個舊框去配（因我仲有另一個舊眼鏡可以用），等我真係落場做時有眼鏡合用。

咁大個人都仲有同班同學，仲要係比我細嘅添（真係有 Ｄ …）。我都覺得好好彩，因為大家都好友善。我哋日日都一齊食 lunch，仲要因為有得「叮」飯，所以都係帶飯多，我哋就日日都「比」吓大家嘅「家庭地位」（哈哈哈…）。

因為大家都有唔同嘅工作經驗，所以都會講吓自己之前工作見過嘅得意嘢（即八掛；如見到邊個明星個樣其實好殘；邊個好大牌；邊個好好禮貌…）。

昨日話題講到邊個嗰媽媽最「絕頂」，原來「天下媽媽一樣長（氣）」。之後又有「隱形眼鏡大比拼（長帶/月棄/兩星期棄/即棄級）」，繼而有「隱形眼鏡藥水大比拼」，「有框眼鏡大比拼」就要第下星期再繼續。

在女厠有「梳髻速成班」，繼而有「梳髻進階」，及「髮飾應用」。全部 free of charge，做呢份工真好。我哋仲無聊到計吓 ＯＴ 一個月可以賺到幾多錢。

好彩呢班都無乜人係 Ｄ 好「攻心計」嘅人，個個都係你幫吓我，我幫吓你，所以返工都係一件好開心嘅事。我哋 next  monday 要考試，我哋仲話星期日約好有 ＭＳＮ 開 chart room，大家有乜問題一齊溫書添！

一班年輕人一齊真係開心 Ｄ（等我可以「痴」吓佢哋 Ｄ青春碼，哈哈哈…）。

今個星期係第二週  ~ Landside Operation。

學嘅嘢真係好 pratical，講嘅都係做 check-in 時做嘅嘢。老實講，我真係一個唔識死記嘅人，所以上星期要我死記嘅機場 code 就已經所淨無幾，但今個星期學嗰 D 嘢，我就真係覺得唔係好難。

雖然每日返屋企嘅時間越來越遲，仲有功課做添（其實我 perfere 有功課做好過只係到最後有個 test，功課可以知到佢會點考你，同考嘅方式，仲可以知到自己識幾多）。每日做完功課，望吓 少少書就已經十二點，真係要瞓，要六點半起身。但學嘅嘢只要你 clear 咗個 mind 就得，同好多時都係 comment sense。

每日都覺得自己 catch 到，見到有 D 同事就真係替佢 worry，我都唔知佢可唔可以 pass 到。原因係…佢一 D 都唔靈活，乜都係死「古古」。我哋呢行對嘅係客，唔該「活」D啦！就算比佢 pass咗，我都 worry 佢出嚟做 counter 嗰陣掂唔掂，佢已經唔係一個 smart 嘅人，仲要好被動同無乜自信嗰 D ，點係 service indusrty 呀！呢行要好夠膽，佢就講答案都細聲到聽唔到。但佢個人就無乜嘢，（有嘢嘅話我真係唔得閒關心佢呀！）所以幫到嘅我都幫，但考試同出嚟做嘢時係無得幫嫁碼！咁又點呢！

我見佢昨日走時個樣都好擔心，如果佢有需要嘅話，我諗都係早 Ｄ 返學同佢下一齊溫吓先！

借問聲大家知唔知我隻 Snowball II 會唔會好似我咁講中文嫁？

因為人哋話佢會學「主人」講嘢，但隻猫係「日藉」嫁喎！但我又唔識日文，仲有我都唔知點樣先可以同佢溝通，因為佢哋個 websit 都係日文嘅。

有養 blog pet 嘅 blogger，大家請教吓小妹，我都唔想 Snowball II 咁快變 Snowball III（電視都未出），多謝指教！

令 Snowball II 長命就功德無量！