Lisa Simpson

係呢份工來講，其實之前都有遇過 D 唔開心嘅事，又或者無乜人理我哋咁，但都真係無今日咁唔開心。因為之前遇到嗰 D 都唔會令我想到，係呢間公司或者呢份工到繼續做會係一個問題，但今日真係有 D 事令我想到如果我真係係呢到長做會有嘅問題。

其實昨日返去做介紹時都已經「令」過 D 嘢嫁啦，事原就係嗰個 SO CALL 「NEW STAFF CARING PROGRAME」，除了上次題及的那個好好嘅 SUPERINTENDENT （小朱）之外，我哋唔多覺得有邊個係真係 CARE 我哋，或者「想」我哋做得長囉！

由攞制服到介紹我哋點樣請假；轉更；什至符最基本嘅（點樣 SIGN IN/OUT ）； D 人都比我哋見到嘅態度都係「你做得長先算啦！」

如制服：基本上制服係比新嘅你，但當然都唔會比足你（過咗 PROBATION 先比其如嘅你啦！），唔緊要，夠着就得啦，我哋都唔想放咁多係 LOCKER。但所有嘅配件都係比舊嘅你， IN THE WAY 我都明嘅，公司當然就係用得就用，但都唔好比個倒轉可以倒成個飯出嚟做 LUNCH 嘅比我哋呀！

仲有制服最大嘅買點：手袋 ＆ 大外套，個答案係：無得比，係要「借」嘅，不過現在無得借比你（大家都認同如果佢話要過咗 probation 先有，大家會順氣 d ）。

咁毛衣外套有啦瓜，有…兩件倉低貨。嘩…就算你夠膽比我，我又無腦比會着，我都相信 D 掃把唔會比我企出 counter啦！六個人分兩件衫，一係一人一隻「就」，一係一人着一日啦！

教我哋點轉更；請假就用我都識得做嘅方法。攞張 form，填咗佢，交返嚟。果然好簡單清晰，除咗唔知係邊到攞，邊份 form，同交比邊個，基本上我都可以教人啦！

今日仲精彩，我哋返六點，但師父返九點。咁我哋點樣呢，咪又做「隊友」囉（幫人排隊）！十個無聊，等到師父返，但又到個 counter 滿晒人，師父要做嘢都完全唔得閒理我哋（呢個大家都明嘅）。所以一個早上係無乜點學過嘢，除咗自己睇住人打 comment 之外。

下午就去到 group counter，本來諗住嗰到會得閒 D ，可以教到我哋嘢，但真係唔知點解 d 掃把不停叫人過嚟，所以都唔係真係好多時間可以教我哋，但都好過無啦， and 今日嗰個同事都好好人，都幫咗我哋好多，到我哋幫佢手 tag 行李時仲要唔該前唔該後，真係好多謝呢個同事（唔記得問佢乜名添！）

但到差唔多放工時，佢哋又話散客做唔晒，要我哋過去幫手，結果都做無乜時間學嘢。

但最慘（同唔順氣嘅）都係最後，當我哋做完十二個鐘之後佢哋竟然話無 OT 計，攪咗好耐，又無人理我哋，最後我相信係個掃把睇唔過眼（我個樣），所以過嚟幫手，竟然個更表就係枱面，但之前嗰個掃把就完全唔理我哋。真係唔多順，仲要佢哋就今日係補返昨日早走嗰 Ｄ ，都唔緊要，但乜幫個新人睇吓條 ＯＴ 數真係咁難咩！呢 D 人洗唔洗咁呀？我返咗十二個鐘，真係無乜耐力同你玩啦，你就話坐成日，我企成日嫁，做吓好心啦！

之後我哋睇到下星期更表，真係唔頂\「頂」唔得，一日就返六個鐘，一日就返七個鐘，跟住就返十五個鐘，究竟邊個編更嫁，係咪比人做嫁。老實講，我坐到第十五個鐘時，仲做到嘢先算啦。之前講話唔洗新人 OT，就已經無咗好多收入，但佢哋都係唔想我哋咁辛苦姐（都唔知多唔多謝佢哋好），但現在呢個更咪仲衰，又辛苦，又無錢收。我令願每日都返十二個鐘，又有 OT收，好過呢日放早，嗰日就返十五個鐘，真係唔知佢哋想點。

之前都講過 Ｄ 更好長，但現在唔係長，係亂，睇吓遲 d 點先啦，如果唔係我相信我哋呢班人都會走得七七八八。

連續返咗九日工，今日同明天就有得放假，但好乎無出色的我就竟然覺得好無所事事。以前比着我一定瞓到下午一兩點先起身，今日就八點唔夠就自己醒咗。人生最失敗真係莫過於此（有得瞓但瞓唔着）。仲要衰到全屋都無人得閒理我，家陣真係無聊到極點（有 D 驚節褔）。打電話比兩個家姐，兩個都話約咗人食 LUNCH，係咪咁好彩呀。大家係咪想問點解唔找肥肥（男人），一早問咗佢，佢要去同外婆拜年，又係無我份（唔好問點解無我份，因為我都唔知點解！）。現在都係等到夠鐘先出街行下 AND 同肥肥睇戲。

由八點起身到現在，我已經做咗兩個 masks，沖咗涼，食咗早餐同午餐，到現在先差不多係時候出門口，你話死未。

肥肥就好啦，早兩日去咗朋友係祈福嘅屋企玩，昨日先返。都唔知係咪真係嘅，知我要返工就話同朋友返大陸玩，又唔見你帶我去玩，去拜年又唔見你帶我去 。始終對男人上大陸無乜好感，同大陸無關（我都成日上去），同為乜上去無關。個人問題無得解。

六日嘅「無得跟師但要出 COUNTER 」嘅日子總於都完。呢六日辛唔辛苦？真係好 DEPEND ON 嗰日嘅坐枱賴唔懶，如果好嘅話，按排 D 更係用腦嘅，真係唔錯嫁。但好似昨日咁，懶到無輪，只係寫低「COUNTER ASSIST」，連食飯時間都唔寫，就真係食自己啦。

當然，做咗好幾日，都知 D 嘢嫁啦，就係基本上係無人理我哋死活，所以所有嘢都係自己攪掂。我呢 D 醒醒地，識得自己「求生」嘅就更係無問題啦，有問題嘅係小 V。佢呢 D 叫「擔屎唔偷食形」，個更表點寫佢就真係會跟到足。我唔係話咁樣唔好，係都要佢學我哋點樣「練精學懶」，但係你都唔洗個坐枱唔寫食飯時間，你就唔食飯嫁係碼。唔記得同大家講聲，雖然呢幾日的確係旅遊旺季，但因我哋乜都未學，所以我哋係個機場到都幾多餘嫁。基本上都係「行行企企，食飲幾味，永遠無人得閒理」嗰種，所以落更啊；食飯啊；去厠所啊；你要就自己出聲啦，當然唔好人哋忙到「面無血色」時同人講：「我夠鐘食飯啦！」（想下更做通宵嘅咪講囉！）

其實呢幾日係好多機都滿（又加班；又包機），但都係旅行團多，個人嗰 D 都係有限，所以真係忙極都有個限度。就係因為咁先慘，之前我哋話自己醒 D 唔係話識得點偷懶，係識去 D 忙嘅地方幫手，因為如果去 D 無乜嘢做嘅 COUNTER ，嗰幾個鐘真係唔知點過。但如果個 COUNTER 係好忙嘅，嘩…真係「快樂嘅時間過得特別快」，話咁快又係放工嘅時候啦，哈哈哈…。但如果無嘢做，真係好似係到同佢「磨難蔗」咁，一分鐘一分鐘咁同佢數幾時放工，你話死未。（成排十八個 counters 先得四個客，叫我教 D 客排隊，未洗排都走咗啦，真係會悶死嫁！）

最鍾意就係企係COUNTER裏面幫手，因為就算無嘢做，都可以睇吓人哋點樣做，仲可以見到好多唔同嘅 CASES學到好多嘢嫁。但企 COUNTER 嘅機會唔多，除非係在 GROUP COUNTER，因為一下只要落成廿件行李，所以佢哋都好鍾意見到我哋可以幫佢手，但當然係要 D 手腳快嘅人啦。仲要點齊 D 行李咁落，都幾大挑戰嫁，所以我哋最鍾意去做 GROUP COUNTER（成班都係，借 D 兒就走過去）。

除了可以學到好多嘢多，仲有一個非常之重要嘅原因，就係 group counter 的係無「掃把」（supervisor）長注，最多都係坐下就走，所以無嘢做嗰陣可以除便問吓 d 同事嘢（不論在工在私嘅嘢），或者講吓嘢都無所謂。我哋個個都鍾意係 counter 裏面做，但小 V 就唔鍾意，佢就領願係一個完全無人知你有無返到工嘅位到，一步都唔離開咁做，呢個位就係移民局對出嗰個企位。係！係齊企，佢哋話如果見到 D 人，係我哋 D 客，又好似唔多識路，就去幫吓佢啦！

你估咁易睇到人哋張 boarding pass 嫁，仲有呀，係外面（未入移民局）嘅人一定覺得自己識路，係要入到去，睇來睇去 D 死人水牌都唔多明，先會驚嫁之碼，企嗰到等於唔洗做，齊企。仲要小 V 係一個完全唔會主動去 assist  D 客嘅人，佢企嗰到咪即係企到放工，但小 V 好開心，因為嗰到無人理。我哋都有小小頂佢唔順。直至到有一日，佢要由中午十二點企到晚上八點，企到個移民局嘅人問佢：「小姐，你企咗係到好耐嫁囉喎！」佢先覺得唔多掂，之後佢就跟咗我哋去 group counter，先發現嗰到係咁好玩，一早叫你過嚟嫁啦！

到我企嗰個位時就當「時運高，睇唔到」（個更表），去咗 group counter 到幫手，反正佢哋一定要人嘅，又可以學到多 d 嘢，就算只係練吓 tag 行李都好啦，到開工時可以熟手 d 呀。以我一次移民局都無企過（哈哈哈…）。

放完兩日假後又係一個新挑戰嘅開始啦，要加油！

呢幾日都有「預定事件」發生，如比客罵、遇到 D 黑面員工、站到腳痛等等。但今日有個 SUPERINTENDENT （阿躉）叫咗我哋去（一個個去）。嘩…一聽到時，你都咪話唔驚，我哋都以為因為唔合格，所以比人叫去「面談」。

但原來係因為我哋一直都無 INTRODUCTION，又無人教我哋返工要打 CRAD、點樣報到、點樣睇去邊個 COUNTER 到做等等。基本上我哋真係乜都唔知，去到 COUNTER 到就見乜做乜（如果知點做嘅話）。

對我來說就無乜所謂，都知到佢哋新年期間係忙到爆，我就算係做吓阿四，都一樣可以睇吓佢哋點 CHECK IN D 客。同習慣咗 COUNTER 嗰環境，將來做 COUNTER 都會定 D。

 但我聽人講，小V 就真係好唔習慣，因為佢真係一個「唔得啖定」，乜都驚得一餐。仲有因為我哋基本上可以話乜都唔洗做，或者乜都要做。佢就係嗰 D 乜都要清清楚楚先「夠膽」做，鬼唔係覺得好 CONFUSE 啦！

佢就同個 SUPERINTENDENT （阿躉）講覺得唔知要做 D 乜，又可能因為 D SUPER 唔知我哋係未跟師，所以好多嘢我哋都真係唔識，所以可能因為咁，就「話」咗佢兩句。但我哋都諗：如果咁都頂唔住，佢點做呢行！！

個（阿躉）話公司有個 PROGRAME 係關心新員工，希望知道我哋有乜需要。嘩…大機構即係大機構，連呢 D 嘢都有？？我唔理佢有嘢實用，公司肯比資源做呢 D 嘢，我都好 APPRECIATE 佢哋。 希望呢間公司真係唔太差啦！

今日第一日返機場，但因為旺季，所以唔洗我哋落更住。今日當然係做吓 D 無乜特別嘅嘢，叫吓人排隊，如果夠鐘就叫座嗰班機 D 客出嚟幫佢 CHECK IN 先。其實呢 D 嘢同做 TB SHOPPING FEST 時都差無幾，什至乎可以話無乜挑戰。見到安排好晒 D 客，去排隊 CHECK 完 IN，真係幾有「成就感」。

但其實今日我哋唔係在 TERMINAL 到幫手，係在 FERRY TERMINAL，即係「海天碼頭」（真係講咗都唔知係邊到）。好多台灣商人都係從中國坐船到香港再轉機，佢哋就會係 FERRY TERMINAL 到落船之後 CHECK IN。今日發現咗幾件事：

（一）FERRY TERMINAL 果然係一個無皇管的地方，就係平時講到幾嚴都無用，去到 FERRY TERMINAL到，就連 SUPER 都一樣係帶到條 SCARF倒轉。個個都係帶到成手介指， D 指夾又「靚到無輪」，真係講都無人信。

（二）「無皇管」亦包括服務態度，態度差就差不多係人都係咁，有個女仔就表明唔會理我哋 D 新人，就算問佢借個船期表嚟影印，佢都可以「聰明」到話：我無。你無又點開工呀！佢對我哋唔好都無所謂，睇你幾時有得升，嚟對人都唔方得人鍾意啦。但最勁嘅係佢連客都係咁罵，又比「說話」 D 客聽，我真係好 SUPRISE，因為佢基本上唔係態度「唔好」，係「頑劣」。做呢行比客罵吓都預咗嫁啦，你咪當時運高，聽唔到囉。其實佢日日咁嘅狀態返工，真係會開心嘅咩？

（三）做到高級嘅人係有原因，今日真係無人得閒理我哋，亦都無人理我哋。唯一真係好認真地照顧我哋嘅係 SUPERINTENDENT。佢真係好好人，比晒 BRIEF ，教晒我哋點做，最重要係照顧我哋，到時到後就叫我哋 去食飯。其他人真係理你都傻，到我哋放工佢發現我哋又唔識打 CARD，又唔知返工要做乜，佢就好似個姐姐咁（好老土）教晒我哋，真係好多謝佢。仲要唔該前多謝後咁對你，所以話：人成功係有原因！

有人話唔鍾意做 FERRY TERMINAL，因為地方簡陋。咁又真係幾簡陋，真係好難人相信佢係世界最先進的機場之一嘅一部份。如果大家想自係點，可以想像吓 D 落後國家嘅 AIRPORT，基本上乜都係人手做，仲有一定離唔開嘅人龍，但 D 人做嘢就好認真。當然無論做得幾快， D 客都係覺得你慢。

明天又要返 0800，要成 0530 起身，但比起之前讀書，嗰陣都唔係真係好辛苦姐，因為落咗班之後就唔洗再擔心或者諗返到屋企要讀/溫 D 乜，返工屋企就睇吓電視、玩吓電腦，都不知幾好。

今日終於都完成三個幾星期的 TRAINNING，其實我都係一個幾鍾意 TRAINNING 嘅人，因為唔 TRAIN 又點識做呢，唔識做咪又唔方做得長，亦唔方做得開心。但呢幾個星期真係好辛苦晒，我都好耐無試過日日都要溫書。

我就無乜所謂，都不知幾好就真。我哋呢幾日可以好輕鬆咁熟習吓環境先，當然「輕鬆」嘅意思唔係指身體上啦。

我哋今日先收到 ROASTER，明天我就返 0800，比平時返學仲要N早一個鐘。本來諗住今晚可以瞓返夠本，但現在都係要早瞓，不過都預咗返工衝８係咁嫁啦，所以都無乜所謂。但小V 明天就要返 0500，佢見到個 ROASTER 之後真係無乜嘢講，應該話佢個人「定咗格」，佢個人一向都係乜都驚一餐。仲要問：「咁早我坐乜車返工呀？」（呢 D 嘢真係各下自理），見到佢嗰陣時個樣，真係頂佢唔順，講笑咁同佢講咗句：「其實你知唔知呢份工係要返 SHIFT 嫁？」其實小V 唔係唯一一個要返早，都有其他同事同佢同更嫁，但大家都一早諗到如果返早要點樣安排。我今個星期六（年廿九）都要返0530 啦！

份份工都有好有唔好嘅地方嫁啦，睇你鍾意邊樣嘅「姐」。

今日終於都考完最後一個試，但老實講，真係唔知自己寫咗 D 乜。如果呢個都惦就唔洗再驚，但如果唔合格，就算補考都唔一定會合格，因為我真係一個好粗心大意嘅人。但我自問就唔覺得自己會合格。

如果唔合格就麻煩啦，就算補考合格，個底都唔好啦，但現在真係諗乜都無用，明天就有成績，但我真係無乜勇氣打電話去問，可能都係要SEND 個 EMAIL 去問。