繼昨日小 W 好唔好彩地做咗個「差 D refuse landing」，之後又『食』多鑊嘢。
今日竟然有個客，因為本來坐嗰班機會 delay，所以如果可以的話就轉佢哋早一班機。但到起飛時個客又無出現係閘口。大老一定就會 check 個客嘅 record，就發現佢個 record 有四件行李，但就只有兩個行李牌號碼。呢個真係要「睇真 D」先知！
原來個客 check in 佢原本班機時已入咗兩件行李，但唔知點解站機無出到牌。個 staff 再轉佢去新嗰班機時，唔知佢已入咗行李但無出牌，以為無入到件行李，所以再入多次。
但大家唔好以為小W 做咗咁多嘢。就係因為大難做，所以帶佢嗰個就自己做返，但就用咗佢個 code。小 W 就好唔知頭唔知路咁「做錯事」，雖然個掃把都企小W 嗰邊，但連爆兩鑊，你估真係想「揚名立萬」咩！
小W 今次真係好無孤，在場的都知唔關佢事，但個個睇到個 record 都只係會見到個 code，咁就夠死啦。今次我就分咗去另一面做，所以我都係出咗事先知。
只係唔知點解小W 會咁黑仔！
請所有曾經做過或者聽人講過地勤公司點解對 D 員工。就以下幾點來比分，當然如果你想到任何可以加上去嘅都歡迎比 D 意見：
或者你有任何意見都歡迎大家講吓！
等緊你留言！
回應(6) | 回應的RSS | 暫時未有引用通告| 
(0)
（綱才要返工所以無現在繼續）
其實個客係三個人一齊 check嘅，所以真係三個都有責任，但係用小W個 code，所以乜都入晒落小W數。我就真係愛莫能助，但我又唔想做到好似一 D 都唔關我事，但又唔知可以講 D 乜。小 I 就更唔好受，因為雖然係入落佢嗰到（佢要簽 warnning letter），但睇住都比但徒弟做錯，真係幾唔好受同唔好意思。
但寫 report 嘅都係小W，所以呢鑊真係慘啦（小W）！
今日返兩點，所以有少少時間可以上下網，上完就同媽媽食飯，跟住返工。
昨日返咗十五個鐘，嘩…！真係唔知係點樣過。但 turn out 都 not too bad，因為我哋都唔洗成日係 counter，我哋仲去咗 standby，同轉機 counter。我師父就話昨日嗰更都算辛苦，因為要開幾轉 counter，但最後都有得去轉機 counter 就好 D 啦。因為嗰到唔係咁忙，可以講吓嘢比我哋知呀碼。
其實開 counter 嗰到又唔係真係好辛苦，因為我哋兩個徒弟加（我同小 W）一個師父（小 I），成三個人開一個 counter。我同另一個徒弟又輪住做，有乜「唔正常嘢」就係師父做，所以其實一個人都係做幾個客。但只係做幾個客都可以出事嘅！
話說一行十人來 check-in，佢哋都係一齊 book（即係有 group indicator），又全部都係 ET（電子機票）。 check 晒所有人 document 之後就好正常咁「一炮食」（一次過 check-in晒咁多人）。下午時間， office call 小 W，話佢今日有個差「差 D」 要 refused landing （台灣移民局唔比佢入境）。因乜咁大鑊呀！
完來其中一個客係用 B.N.O.，我哋都諗住佢係做「落地簽」（一個最正常嘅方法），完來佢係在台灣工作（ or other reason）係嗰到有居留 Visa（當然就係無帶），仲要佢張飛係由台灣到香港，賈再由香港返台灣（即係昨日嗰程係回程機票），香港人用 B.N.O. 做「落地簽」除了要有六個月有效仲要有回程機票—返香港或去其他地方嘅機票。即係話佢係連「落地簽」都做唔到。
如果個 B.N.O. 客係用 ET，我哋首先要佢帶有 ET嗰份 hard copy（平時 ＥＴ跟本就唔需要 copy，帶個 passport 去就得嫁啦）。仲要開佢張 ET來睇，但老實講一行十人，我邊會開晒每一個嘅 ＥＴ有睇，你估真係好得閒咩！仲要奇怪到個客有居留 Vise，但唔會帶去出境用，有 D 咁嘅客你話死咪！
我以前係瑞士讀書，有個 C permit （即學生 Visa），都係用嚟出國用之碼，係境內有鬼人睇你 Visa 咩。呢 D 人都好大安旨意有人照顧佢。上次又係有個客話自己攞新身份証，得張 copy 就話要出境，大哥唔你要就有得出嫁。死都要我哋幫佢問移民局，結果當然係唔得啦，攪咁耐，攪到差唔多班機 close，結果佢就攞咗個「特區」出嚟，你話死咪，一早攞出嚟就上咗機啦！
回應(12) | 回應的RSS | 暫時未有引用通告| (0)
今日係屋企當然有「必做」嘅「神聖任務」，就係瞓教到做 masks。
所以昨晚睇完 Shallow Hal 之後就瞓到今日十一點先起身。打完電話煩肥肥之後就約媽媽食午飯，返到嚟仲用少少時間睇咗昨日嘅報紙（「埃及車禍」同「米老鼠樂園爆滿」都係到今日先有時間睇吓「發展情況」）；仲睇咗少少「教育電視」（國語科，免費學國語都不知幾好）；當然仲有唔少得嘅 masks 啦（一個深層潔面一個補濕，每日都要化妝，你都咪話唔重要！）！
做完晒都係下午三點幾，仲有大把時間，今日約咗“”爸爸”（中學同學，對我好過親生老豆，親過親人，所以出街拖手，但永無發現空間，現在係星加玻發到猪頭咁！如果老豆有佢一半都真係幾唔洗憂），佢今個星期五返星加玻啦，但星期五我放假，我未有義氣到放假都返機場倍佢（真係有咁遠走咁遠啦！）
以前讀書時，每次返嚟佢都帶我去唔同嘅香港一級食府到試菜，當然每次都係佢請。仲要每次飲嗰支酒都成千蚊（只係講支酒，都未計食嗰部份！）但今日我都同佢講去 d 簡單 d 嘅地方就得，因為我個樣都好「簡單」吓！
諗返嗰時去外國讀書，我就貼晒我 D 朋友嘅相出嚟，但唔知點解係咁多相裏面， D 人硬係問佢係咪我男朋友（個答案當然係 depend on 邊個問我啦！），可能我哋個樣真係「太恩愛」。佢真係一個不可多得嘅朋友，但當然呢 D 朋友真係可遇不可求！
佢係 The first one but not the last 讚我對腳靚嘅人（ Form 3 summer），亦係最唔怕直接同我講：「今次見你又“好肉”咗喎！」嘅人（有時都會話我清減咗嘅，又難得講咗咁多次都仲未扑死！）。
我就 painfully honest 同佢講：「點解你個胸又細咗嘅？！（「全盛時期」四十一寸，現在得三十八左右咋！）星加玻無木瓜食咩，都叫你唔好食咁多鮑魚嫁啦！」（by the way 佢唔係「基」嘅）
上次返嚟到咗香港後 call 我，第一句就問：「up-date 返 D 資料先；你係咪仲係到「佢」（肥肥）一齊（因為好幾個朋友都轉咗幾次畫啦！如好姐妹「空姐」就係其中一員）」（屋企人都未敢問得咁直接！）
間唔使都會同佢講吓肥肥 d 嘢，佢一句：「聽落佢對你真係幾好，唔好蝦人呀，你無乜機會有個更好嫁啦！」（我邊有蝦肥肥，係“爸爸”亂估之碼！！
識咗十五年嘅朋友真係幾難瞞過佢嘅「法眼」！）肥肥都加唔少分，話晒“老豆”都係見過唔少世面嘅人！
我同「空姐」都係佢個「乖女」，所以成日一齊出街，但「空姐」未 train 完，睇怕今次都係得我哋兩個。我同「空姐」都好相信同認同許冠文係煎鑲三寶裏面嘅一句說話「世上嘅所以男人，講真話嘅只有老豆一個！」
現在呢個世上，要找一個異性朋友已經好難，找個知己就更難。我都試過發白日夢時諗結婚時要佢帶我行入教堂，又或者至詞時點樣多謝佢多年來嘅照顧！
我個更都可以話有好有唔好；個人來說我就鍾意佢返幾日就有得放一日，有 D 就鍾意兩日假連住放，睇你點睇啦！
早兩日「最唔高興係今日」事件後，現在個感覺好返 D，當然仲係擔心返十五個鐘嗰日會係點，但老實講，佢哋可以點姐！！
佢一樣要比時間我放 break，一樣要比時間我食飯，一樣要比個師父我。人哋係咁做，我都一樣可以咁做，我都廢事擔心咁多。要死狗時（tired），in the way 佢都無我符（我都幾賴皮嫁；「賴皮」係咪咁用嘅呢？？），更係佢哋編嘅我相信佢哋都預咗。又或者佢哋就係預咗我哋用呢 d 時間，去 d 唔多忙嘅 counter 到學嘢呢。返正師父都係咁要死就一齊啦！
昨日我哋返七個鐘（就係呢到返少咗），但我哋發現原來師父係返夠九個鐘，我哋都唔明點解硬係我哋 D 更會編做七、五、十五嘅，只能向好個方面諗啦（我哋呢 d 天生白癡嘅人係會開心 d 嘅…自以為。哈哈哈…）！
仲要令我坐唔到快車，要個幾鐘先返到屋企，返到屋令又無飯食（係我唔記得今日無晚飯食），又要落街買，返到嚟仲要見到個衰人（過年都失蹤，到初七先返嚟，真係同大家過生日咩！）。
今日都唔知點解咁黑仔！
回應(2) | 回應的RSS | 暫時未有引用通告| (0)
