今日睇到豬仔包 的「不洗碗理論」，我都相當認同，人生在世，實在有太多嘢要做，要睇吓有乜真正值得我哋用「寶貴的時間」去做。但我真係想問吓大家，其實你哋平均每日瞓幾多個鐘。事關我真係一個好鍾意瞓嘅人，但現在做呢份工真係越來越少時間。我現在真係要諗吓有 D 乜係值得做，但我最鍾意的就係上網同瞓，但做得一樣第二樣就唔多夠時間做。
我都想可以好似一 D 人咁，每日只瞓幾個鐘就夠。係讀書時都試過每日瞓三四個鐘，但一年後真係成個人老咗五年。我真係唔想好似以前咁，我現在都係老啦，唔可以再頂嫁啦。
我真係有諗過不如般近 D 返工，但如果般出去住又真係又一闊三大，我又唔想淨唔到錢。我真係一個得一想二嘅人。不過如果般咗出去都係一件好事，因為成日諗住要交租，就一定唔會除便唔做份工，其實都係一件好事。
原文 — 豬仔包 — 2006-02-12 17:44:28
「我都聽過另一個理論﹐但關於洗碗的。那人說生命苦短﹐不應將寶貴的時間浪費在洗碗之上﹐所以每天用完的碗碟﹐不是放入洗碗碟機而是放入雪櫃。下次可以再用……」
過兩日就係情人節，係人都知我哋呢行都唔洗旨意可以放到呢 D 「特別日子」。今日係星期日，又係中國元宵，大家如果想伴吓情人，就係伴唔到正日，可以星期日出到街都好啦，所以今日 REPORT SICK 嘅人真係勁多。
今日我返到去睇自己個更點編，但就找唔到自己個名，只見到掃把滿頭大汗，係到諗點樣安排人手，我哋都唔多想煩佢，但都要知自己個更先有得返嫁！
但可能佢哋真係煩更表，所以我哋返七點半，就叫我哋食飯（早餐）食到九點鐘返嚟再算。是但啦，我今早個人都未醒，又因為昨晚好夜瞓，所以真係唔多知自己做 D 乜，如果佢哋唔得閒，我都唔介意係到等嫁。
食到九點又係 COMMON ROOM 見到師父，但佢就話要帶另一個人，可能唔得閒帶我哋。真係好怪（係人見到我哋個更都覺得怪），我哋個更真係同師父個更無乜地方似。佢返早，我哋就返夜，好似今日咁，佢返早五半放兩點，我哋就返早七半放晚七九。真係只得幾個鐘係會一齊，我哋都懶得理咁多。
到我哋返去見掃把時，佢哋就話見到我哋師父係到，叫我哋跟返佢就得。我哋就返去找師父，但佢話現在到佢食飯，到十點半先返工。咁我哋又開始等啦，返正我同小 W 都唔多「清醒」，所以都不知幾開心，我就直程瞓返陣先算。今日同我哋一齊嘅仲有小 T，我哋三個都瞓咗，但好似淨係得我瞓得着（好）。
我呢個「睡魔」果然有返咁上下，不單只可以在「人聲頂盛」的 COMMON ROOM 瞓得着，仲可以在短短個零鐘的時間內，連夢都發到，所以肥肥真係唔可以怪我鍾意瞓多過佢，你睇我同周生幾好感情先得嫁！
總括今日嘅工作，基本上係行行企企無人理，但我發現我個師父都幾好，因為我見到小 T 個師父真係罵到佢反轉。佢今日跟我哋都話我哋個師父好，我相信我都要感恩，如果我嗰個係佢嗰個咁，我諗我會比佢更唔開心。
今日又學咗做「大單」（即點返 D 機票數目），其實之前都學過吓，但今日我同掃把講我想做，佢先比機會我哋真係自己學吓學吓咁做。因為我真係相信係要自己落手落腳做先會記得，而且遲 D 無咗師父就真係唔知點算。
今日做「大單」，都有錯，但基本上真係明白咗好多，希望吓次唔會再錯啦！
明天放假，當然諗住同肥肥出街，因為情人節都唔會得閒，所以諗住明天去睇戲。
二月先寫，好似真係遲咗 Ｄ ，但真係好想寫，所以…what the hell 寫就寫啦！
年頂離開第一份工，當時即刻有酒店請，做唔到一星期就頂唔順。唔係辛苦（現在咪仲辛苦），而且公司安排上唔多頂得佢順（完全無人理我）。做唔夠一個星期就每日起身都有「又要返工呀！」的感覺。所以做咗一個月就乜都唔理就走咗。
一直都不知自己應該做 Ｄ 乜，見到「ok 喎」的工都去見吓，但多謝神，無一份見得成。因為我相信見到我都唔會鍾意，只係嗰時「想」要一份工才試吓。
失業幾個月，到六月做咗份旅遊發展局嘅 temp job，身為 supervisor同其他三十幾個掃把一齊同人力資源公司「唔多甲」。結果攪到上「周梁」到。總算攞到之前佢哋話有嘅嘢。 well …經一事；長一智。好彩班學生都「聽教聽話」，唔洗我點孭鑊。仲交到一班朋友，自己的皮氣都收咗（起碼知要收咁 Ｄ）。
之前份工（年頭嗰份）做落有 Ｄ 錢，「間唔使」又有個零月嘅工開，家庭又無乜比壓力我（多謝晒），仲幫我唔少。大家姐去食好嘢都叫我一齊去，佢男友知我失業，食飯去街都會主動叫我一齊（呢 Ｄ 未來姐夫係邊到搵），二姐一齊買衫就佢比，買咗 Ｄ 衫任我着，出街又永無要我比錢食飯，媽媽自己問我八記（八達通）有無錢，借 Ｄ 以又同我換轉張 card（當然係入錢比我洗）。
呢份工開工前講咗句：真係無錢坐車。二姐第二日就比五百我返工（最後我都比返佢，我都仲有少少錢係簿仔到），之後「貪得意」又同大姐講無錢坐車返工，佢又比幾百我。呢 Ｄ 屋企人真係有今生無來世！
肥肥今年都轉工，大家都無錢時就去行街，齊睇唔買，我鍾意去睇金魚，就行成個鐘金魚街，我想「睇」衫就「睇」衫。睇戲就去平戲院，食嘢都去平地方，一樣咁開心。佢唔買嘢比自己，見到合我用嘅都一定買比我。我做份份工都係返 shift，佢就「跟」我返工放工時間「就」我，上個月 train 到死咁，放假都要留係屋企溫書，佢就一早嚟到屋企樓下同我食早餐（對唔住，一星期見到一次都只可以係咁！）。呢 Ｄ 男人係邊到搵。無時間伴佢，佢就每日都睇吓我有無寫 blog，佢願意付出嘅時間都比我多。
失業幾個月，到年尾真係要用「陰差陽錯」，找到呢份地勤工。一路 train 都唔知自己係咪真係鍾意，每次考試都覺得自己會唔合格，但最後又比我 「good pass」，仲要係全班最高分。聽到自己都唔多信。
直至落場，有開心有唔開心，但可能人大了，反而「啊 Ｑ」Ｄ，所有嘢都唔係一面倒唔好，係睇你點睇。我令願自己開心 Ｄ。所以唔開心嘅嘢都令願唔寫唔記住，每日開心哋返工，得閒“neu”吓其他機場到做嘅人講兩句（例如「超級三文治」嘅員工）。
出嚟做咗幾年嘢都仲係「兩袖清風」，無欠 card 數，家庭唔再係負資產；我無好老豆，但家人都相親相愛，見到有好餐廳都會相約一齊「 girl night out」，有事都真係會好擔心，媽媽會返工時打比我問今晚返唔返嚟食（我放晚上十點四十五，你話我返唔返嚟食好呢？！），但都係擔心我有無飯食，洗唔洗帶飯，返幾多點；我無機師男友，但肥肥錫到我燶，我要嘅佢都比我，仲要我屋及烏，我媽媽都好錫，再加任我蝦。
分工人工唔高但我尚算鍾意，唔知有無發展，但做得開心，同事亦算不錯。我沒有模特兒身材（仲有 Ｄ 肥），但身體尚算健康，食得瞓得，又洗睇住「數字」食飯，肥肥亦無投訴（佢仲肥過我，佢我有投訴佢）。
零五年講得好聽就係休息咗成年，講得唔好聽就係失業咗成年，但生活指數除時高過有工做時（因為有家人幫補），但又有幾多人可以失業成年都仲可以同家人去兩次曼谷。哈哈哈…零五年真係豐盛嘅一年。
全因「 Ｙou make my life so beautiful」！
零六年願望：家人身體健康，肥肥嘅生意越攪越好，我工作順利（唔好 refused landing 就得啦！）
回應(2) | 回應的RSS | 暫時未有引用通告| 
(0)
自從返咗工之後，真係無乜時間伴肥肥，最多都係佢來我屋企樓下伴我食飯。現在真正開心返 shift，就更加唔洗講，可能一星期只會伴佢食一餐飯。電話都唔多個，因為返工都唔多好意思聽，雖然好多同事都係躲係枱底到聽，但身之新人就廢事啦。
返完工坐車返家時，本來都可以用呢段時間打電話比佢，但係身心都 tried 之時，又真係一上車就想瞓。你可以話我衰，但睏起上嚟真係親人都無情講（之前都講過我一生中最愛就係瞓嫁啦！）。就算媽媽打來我都真係只係講返嚟，都係好快瞓返。
上次見佢，講開我個更，佢就話：「呢 Ｄ 工有屋企嘅人真係唔知點算？！」係呀！現在都係咁諗，其實呢份天我自己做落都幾鍾意，都算做得開心，但一諗到將來都係咁，真係有少少唔知點算。
如果要放便我嘅當然就係般去東涌，但佢又點呢，佢間公屋又點呢？
其實我好似對佢冷淡咗，但其實只係時間上配合唔到，或者到佢賺多 Ｄ 錢，唔洗我做嘢，又或者係東涌可以有間屋都好呀！
今日編咗我跟另一人，又編咗小Ｗ 去跟格離嗰個。小 Ｗ 就真係慘（點解佢日日都咁黑嫁），跟着嗰係好死惡。
我坐係格離都聽得清清楚楚：「你睇你幾慢，成條龍都係到啦（有龍關我哋乜事呀？）。你睇人哋（我）都做得快過你咁多（都要睇吓個 case 有無麻煩嘢嘅！），人哋「食」（check-in）goshow 都咁快呀，你有無攪錯嫁。」
嘩…佢把口真係一係唔出聲，一出就停唔到。唔好話比佢罵嘅小Ｗ，我係格離都唔多頂得順，真頭覺得跟住佢係一個懲罰。又難得小Ｗ 係一個十分之好耐性嘅人，但佢係 Ｄ 乜都要 check 清楚嘅人（都係嘅，現在學嘢，更係睇清楚，問清楚好啦！），所以就算比佢罵，都要慢慢做。
我跟嗰個就真係唔錯，老實講我都成日唔記得，佢就幫吓嫁我。仲要好好聲氣嗰隻，真係人靚係有原因嘅。
相返，小Ｗ 跟嗰個就真係唔同佢講嘢，淨係睇個樣都覺得佢唔多掂！唔係靚唔靚，係一睇就知佢串，佢係轉機櫃台都已經成日講粗口，但係大堂就唔該收咁 Ｄ 啦。就算唔係罵個客，只係同其他 staff 講嘢，比 Ｄ 客聽到都唔好啦！我哋係佢格離都覺得好樣衰。
下午本來就跟返我哋自己師父，但去到轉機櫃台先知原來佢今日無返，我哋又去返大堂。所以基本上我哋真係幾多時間係留係大堂做 check in，現在真係醒好多。
其實跟吓其他人仲好，因為普遍都十分認真，但跟住師父佢就真係教你點解練精學懶。我同小 Ｗ 都令願現在學得足 Ｄ ，如果唔係遲 Ｄ 仲死，但師父可能真係做咗好耐，佢真係「懶」得起，但我哋一懶可能就會做錯嘢。
明天又要返十二個鐘，都係早 Ｄ 瞓！
今日放假，其實真係放假仲忙。因為乜都係放假嗰日做晒，我又想去旺角買嘢，又要倍肥肥，又要倍媽媽，又想做 mask，真係無乜時間。明天仲要返早，今晚九點就要瞓，所以有嘅時間就更加少。
想用 D 時間嚟寫吓 blog 都唔得，我真係覺得自己 D 時間越來越少。我都好想好似以前咁；可以日日上網寫嘢。現在差不多一星期寫得兩次，我自己都覺得慘！
無時間到一星期先可以同肥肥食一次飯，同肥肥溝通都差唔多要靠個 blog（佢自己上我個 blog 睇），你話死未！
老實講句，我都真係拍過好幾次多，拍得多亦覺得情人節只係一個大家「做 show」嘅日子。男男女女各自將自己得到嘅「花草樹木」、「金銀財富」都 show 晒出嚟。而且在外國幾年，我真係已成為一個什麼新年、過節、做東、中秋都無嘅人，要我做咁死多嘢就係為咗比人睇，你都好唔洗旨意。
上年第一年同肥肥過情人節，我都唔係好記得我哋係點過，只係記得「有人」話要收「homemade」朱古力。老實講，雖然我都係一個識煮嘢的人，但上次煮朱古力已經係好多好多年前嘅事，今次都算係一次幾大嘅考驗。我都唔明，一把年幾嘅肥肥，因乜事會想收「情人朱古力」？
Anyway，今年都無諗到點樣過，因為要返工，我又係唔多想用咁多時間去諗呢件事。原因係我係一個相「務實」嘅人。一個平時對女友唔好，只會在情人節，用三倍價錢去食餐飯嘅人，我真係唔多鍾意，亦認為相當白癡。我領願安安靜靜地過，最唔鍾意同人迫。
