Lisa Simpson

早兩日睇咗「戇豆撞正女殺手(Keeping Mum) 」，其係我一 D 都唔鍾意「戇豆」，但一直都好配服佢真人係一個好叻嘅人，而且我一直都好鍾意 Maggie Smith （個女殺人）。仲有其實我好鍾意英國式黑色喜劇，但就真係無諗過會睇呢套，但家姐話睇，又有人買飛，所以無乜所謂啦！

但睇完之後就真係令我好 suprise，因為其實一 D 都唔「戇豆」，如果唔係 Rowan Atkinson做老豆嘅話都唔會想到同「戇豆」有關。反而「戇豆」今次只可以算係一個大配角，Maggie Smith （ 女殺手）先係主角。但當然「戇豆」都有相當多嘅攪笑位，而且相當好笑同「值得笑」，以唔係「攞嚟笑」。

我都讚成某個影評人講，最好笑係後尾「女殺人」用個電話找出躲在牀下的「亞媽」，好笑得來自然，但又無辦法唔笑。

雖然我都見到有 D 人比分好低，但我真係好鍾意，當然當中嘅「完全唔實用，但好有 style」嘅傳統英式大屋，同我一直都好想係嗰 D 全村人口唔夠一百嘅小村莊（戲中嗰條村得 57 人），都有加分。

我相信如果大家係用睇「戇豆」嘅眼光去睇呢套戲，就可能真係會好失望，但如果用一個睇一個媽媽點樣用自己嘅方法去愛她一值都未能照顧及見面的家人的方式去睇，就會好欣賞。佢嘅方法可能好「癲」，但佢嘅愛係好簡單好值接。但嘅理由係無人可以反駁。

真係好鍾意英式喜劇！

我比 80 分！

今日返到去先知師父做多一個月唔做啦！

但佢今日都教我哋好多嘢，可以話「開學」以來，學得最多嘢嘅一日。但都係“HEA…”住嚟做，因為呢間航班真係無呢客！真係唔知呢間公司點樣可以頂得住！

我講笑咁話，你教得咁清楚咁好（因為今日學嘅嘢真幾複雜），不如拍底做隻 CD ROM，好似人哋嗰 D 「補習天皇」咁：「CHECK IN 無難道！」一定大把人要。

但今日佢教我哋咁多嘢，真係有 D 感覺係「交帶後事」，真係大吉利是！

現在已經開始有 D 唔寫捨得佢，就晒都對咗咁耐。

今日帶咗 Jack 返工，我用條鏈將條鎖匙帶係 Jack 身上，嘩！佢現在真係有鬼 Heavy Mental Feel，好鬼正！

小仲，如果你見到 Jack 嚟開 counter，過嚟 say 個 hi啦，等緊你呀！

(29158.jpg )

原因好簡單，因為我瞓過「籠」。

結果就坐 Taxi 去機鐵「九龍站」，再坐機鐵去機場。

但其實都唔係真係快好多，平時我坐巴士返工，都係一個鐘。今日坐機鐵（包括的士嗰程），都要成45的分鐘。仲要係剛剛好有車，如果要等車，真係唔快得幾多！

但係「遲到的 limitation」裏面，15 分鐘都已經非常重要。但今早我仲未攞我張「機場員工八達通」，所以嗰程車真係好貴。

我相信以後我都唔會個鐘響咗之後再瞓返， well… always learn！

明天返下午，應該唔會再遲到！

早兩日初十五終於打開晒 D 利是，都有成…比晒「八記」（八達通），都可以用到差唔多一個星期嘅。

一直以來利是都唔多，最多係媽媽嗰兩封，唔計嘅話，真係連車錢都無。

昨日我要返工，所以今日先真係出去「收禮物」，其實之前都有同我講係乜嘢嚟嘅，但佢都好有心機，整到佢靚靚咁。

(29053.jpg

除了有 JACK 仲有金沙兩粒（更係自食咗一粒），同其他朱古力，成個禮物籃咁。

(29054.jpg )

佢話呢個係叫個係 DISNEYLAND 到做嘅朋友係裏面買嘅，為咗「證明」係係 DISNEYLAND 到買佢就連價錢牌唔未抆（真係覺得佢有 D 可愛）！

(29055.jpg )

JACK 真係好 FIT，我諗住將佢掛住條開 COUNTER 嘅鎖匙。

如果大家見到一個用JACK 嚟做 「開檔鎖匙」的話，就係 LISA 嚟嫁啦！哈哈哈…

今日幫三個「尊貴的客戶」（絕對係尊貴，因為佢有由「大粒佬」比的 BAGGAGE ALLOWANCE），攪掂（減少）佢哋嘅行李過重。其中一個到最後就問我哋嘅名（相信佢哋係想寫「意見信」讚我哋），我當然有講比佢聽。

但係呢一刻我就後悔點解要改一個咁有「性格」嘅英文名。我個英文名其實係個德文名嚟，所以到現在我都未見過有其他人用呢個名。好處就係真係唔會同人撞名，所以我嘅 EMAIL 都係英文名加姓就得。係除便係一個 WEB SITE 開個 ACOUNT 都可以用呢個名，真係好！

但問題就係中國人見到個多都唔識讀，外國人就講咗個名比佢聽都寫唔返出嚟。我相信嗰幾個客都唔例外。

嗰一刻真係有少少唔順氣！