Lisa Simpson

成日着住件過期「聖誕衫」，真係係時候轉吓衫。

現在唔係「聖誕 Lisa」，係「自己飛唔起，要做地勤嘅 Lisa」。

飛得起時再再轉！

昨晚收到好姐妹「空姐」嘅 text message，佢話 train 完啦，今個星期日就飛啦。

我都好善慕佢可以去玩，我下星期就要自己落更，到時都唔知點死。

雖然我相信我都算係 OK，但當然有乜特別嘢就要問人，都唔想自己爆鑊。

今晚去咗金魚街，問吓 D 「高人」有乜辦法救救我個仔。

佢哋介紹我比仔仔塗一隻藥水，希望有救啦。德國製，成廿五蚊支。開頭都有諗個「高人」係咪「專登」比 D 貴嘢我，但當我見到 D 中國製藥水就…都係比 D 貴嘢比個仔啦。

希望真係有效啦！

我個仔，佢叫「龜龜」，我媽媽叫佢「你個契仔」，我家姐叫佢「你隻嘢」。佢其實係一隻水魚。

但近呢幾個月，唔知點解個背到脫皮膚，到現在都仲未好，仲有惡化嘅蹟像。

我養咗佢好耐嫁啦，由佢唔夠個五蚊銀大，到現在伸長條脛仲長過張十蚊紙。大家幫幫手，如果知到有乜靈藥可以幫到佢，請指教吓小妹，大恩大德沒齒難忘！

等大家救命嫁！

昨日同新師父講開我之前讀嘅嘢，佢都係覺得如果我係呢到做，真係好浪費之前讀嘅嘢。同係呢到做真係無乜前途，因為就算做到掃把，人工都唔高。而且如果唔好彩，可能做十年都無得升。

我都有諗過呢個問題，其實呢到只係要求中五，其實只要你 in 嘅時候表現好，佢哋真係無乜所謂。英文同國語要求都唔高。唔係話我自大，但係呢到真係有 D 大材小用。

但係呢到有樣好就係無乜壓力，做完 counter ，放咗工就乜都唔洗理，又唔洗膽心咁多嘢。我都有諗過做 MT，但就會辛苦好多。辛苦都唔係一個好大嘅問題，因為我相信我落更之後都唔會好得幾多，但就算做其他工，都未必好似現在咁開心（我都幾鍾意現在呢份工！）。

但如果係呢到做多幾年，就好難轉出去其他地方做，呢個都係我最擔心嘅 issue。但如果唔做呢到，又可以做 D 乜呢？如果做返 cs 嘅嘢，又有乜工可以考慮呢？

大家幫幫手諗吓？

呢兩日跟咗新師父（小 E）！

老實講，我鍾意新師父多 D。其實唔係舊師父唔好，只係人夾人緣。我都有 D 同事好鍾意我個舊師父。但佢自己嗰兩個（我同 小 W ）就唔多鍾意。

我就真係頂唔順佢成個掛住玩，得閒就講吓笑，其實呢 D 大家都可能覺得無乜嘢，但唔好唔記得，我哋係要學嘢之後就要落更「自生自滅」。我哋就更係好想好努力咁學好 D 嘢啦，但佢就成日都係「呢  D 好簡單之碼，唔洗學啦！」「呢 D 嘢唔做都無人知嘅，做黎仲乜呀，唔洗做啦」「呢個咁易，講咗你都識啦，等我快手快腳做咗佢放工啦！」相信大家都會諗，咁咪仲好，乜都唔洗做。錯啦！就算乜都唔洗做，都要 check in 嫁！

到我哋 check in 時，佢就夠膽死不停同你講嘢嚟煩你（係，佢自己親口講嫁。你話死未！）雖然 D 客都會不停問你問題，但我一直應付自如，但佢係問「咁不如講吓你屋企有乜人呀？」（請問呢條問題同工作有乜關系呢？）我唔係話做同事，唔可以比你知到我嘅事，但請問呢個問題係咪適合係呢個情況下問我呢？

但佢又無咁樣對小W，可能因為小 W 本身已經唔係太…如果你仲煩吓佢，就真係…死得嫁啦！

新師父就真係好好（好適合我），因為佢做嘢真係認真 D。仲真係會諗吓你唔識 D 乜，要安排教我哋。仲會諗點樣先會令我哋學到嘢！我真係好鍾意呢個新師父。

早兩日借咗兩隻德文碟，但一直都唔知點樣先可以轉做 mp3 嚟聽，我諗返正返工放工都有成兩個鐘，唔用呢D時間嚟補補習，就真係蠢。

本來叫肥肥幫我找，但佢找嘅兩個 software 都用唔到嘅，「谷鬼氣」自己上網找。當然找到嘅都唔係 D 乜靚嘅嘢，但係用得就得啦。

由現在開始我就要日日返工放工都聽德文，我就唔知無進步（無就死咗佢啦）！

話唔定遲 D 工作上都有用！