今日返早，要坐 N 車，但等等吓，等到大家（係巴士站到等嘅人）都覺得唔多正常。因為呢班都係坐車返工，所以大家都好驚遲到。
我就真係好驚，有諗過一係就成班人一齊坐的士返工，SHARE 返 D 錢。又或直頭 PORT SICK，因為如果要自己坐車返工，都要成二百蚊，咁不如唔返。
但好彩其佢他人識得幾時有「冠忠」，我呢個乜都唔識嘅人，當然就係跟住人去。好彩「冠忠」都遲咗 D，如果唔係都坐唔到。
其實坐「冠忠」都幾好，因為車都係比較定，無咁容易暈車浪。仲有，如果佢遲咗 D ，之後佢哋會開返快 D，去追返 D 時間。
唯一缺點就係無 SEAT BELT，對我嚟講都相當重要，因為我都係一個「相當」「鍾意」用 SEAT BELT 嘅人。嘩…話晒都係坐「長途車」，仲要開得咁快，更係有 SEAT BELT 好 D 啦。
我都係要「咪」吓個「冠忠」嘅 TIME TABLE 先得啦！
回應(6) | 回應的RSS | 暫時未有引用通告| 
(0)
之前都睇過好多韓國片，其實呢出都係一般。但我都唔係好明，點解最後兩個其實都可以話鍾意咗對方，但又依然各自出去溝仔/女。
其實男嘅都已經為咗女嘅做咁多嘢，雖然有時我都明係佢只係因為面子先咁做。女嘅亦覺得感動，但點解都係分開咗呢？
當然，開始時大家都係諗住出嚟玩，唔係諗住真心。但到遇到個真係鍾意嘅，都為咗繼續玩而乜都唔理，決定分手。
但又要成日出嚟，睇佢哋都係天生一對，何必成日諗住邊個 WIN，其實咁都唔會開心！
但都幾好笑，同都有 D 感動，見到個男仔為咗比好嘢個女仔食同住做咁多嘢，我相信個個女仔都會好「林」。最後仲病咗添，鬼唔係乜理性都無晒啦！
佢哋 D 互「串」位都幾好笑！
覆雨翻雲呢套戲都幾攪笑，D 住角無乜邊個做得好，但 D 配角就做得好鬼好，真係要贊吓佢哋先得！
真係好鍾意麥包做嘅燕皇，真係好適合佢做，又或者講，佢做得好好。
一來外形又有返 D 相似，佢都有返 D 「頓」位，如果外形太 FIT就唔多似「皇」，又夠穩重。
做戲佢又得，今日見佢罵「蚊仔」剎佢老豆時，真係有眼淚嫁。
睇佢鍾意夜月時就真係覺佢佢好鬼慘，成日都無佢份，但又衰在佢係「君子」，所以佢要「慘」（真係好無理嘅原因！）。但其如兩個我又唔真係 FEEL 到佢哋嘅感受。
其實有一個好重要嘅因數，就係佢講對白都誡算相當清楚。有 D SO CALL 主角，講對白真係要係佢 FAN 先知佢講乜！
麥包！努力呀！你掂嫁！！！
今日又同肥肥去睇戲，我哋拍拖都係去睇戲多。通常都係去「嘉禾」，因為近我家，所以我都係「嘉禾」會員。但因為今日時間「夾」唔到，所以就去咗「UA」。
肥肥話返正佢都成日同朋友去「UA」睇，入會又有嘢送，都底嘅。但入咗會，見到 D SO CALL 你禮卷，先知道…經一事長一智囉！
之前我入「嘉禾」，有兩戲票加小食卷（唔洗補錢，直接換嘢食，係我哋呢 D 平時唔會買嘢食嘅人嘅 BONUS），仲日日都有得買平飛（星期二當然都係廿蚊啦），所以可以話一入會就已經底返晒。所以我都即刻叫家姐都入會，雖然我有佢哋都可以用，但淨係佢送嗰 D 嘢都有「着數」。
但今日入會，一佢係張 CARD 到有相，即刻其他人唔可以用同一張CARD，都算啦，呢其實都REASONABLE 嘅。送兩張飛同 D SO CALL 「小食卷」。見到 D 「小食卷」就「把幾火」，全部都只係當你買個五十蚊嘅餐時當十蚊洗，即係點你都要比四十蚊佢賺。
如果好似我哋呢 D 從來都唔會買小食（唔會係嗰到買），就即係無用。咁即係只得兩張飛係有用。
相比「嘉禾」，「UA」呢個會就真係唔係好掂，我下年一定叫肥肥唔好入，送禮都送得咁寒酸，唔好送啦！
對會員都係咁，呢個會都唔方有着數！
昨日和一個做了一段日子的同事講到係呢間公司的發展，佢就話：“無！”就係咁簡單！
早年終於加了一次人工﹙四年來第一次﹚，加了68蚊﹙底薪，ot 無加過﹚！
等我計下68蚊可以做到 d 乜先：
可以耐 d ，再坐的士去機鐵站坐機鐵返工（但千其唔好得咁耐，因為唔夠錢坐到機場）。
亦唔夠錢同肥肥睇一場戲，如果用嚟坐車都可以坐到兩日。
聽到呢條數，真係有 d …
！
所以現在都幾「無乜藉口」唔轉工，但都好，有呢份工睇住，可以慢慢找，大家祝我好運啦！
有 D人唔算係衰人，但唔知點算，自我保護意識好強。乜都驚蝕底比人，就算有小小「好事」發生係別人身上，都覺得係自己蝕底咗。做人好「灰」，因為成日覺得蝕底咗比人，或者唔夠人哋「着數」。
佢哋唔算係 Ｄ 「想你死」嘅人，但如果比佢決定就一定係「你死先好 Ｄ」嘅人。
本身唔算係「文靜」嘅人，但就「謝絕」你問佢嘅嘢，當然我相信亦專重別人唔鍾意同你「交心」，但佢亦相當想「知道」你嘅嘢，以便日後「計劃」。
遇到呢類人，基本上我係唔會同佢「交流」太多，雖然我係一個「真性情」嘅人，有嗰句講嗰句。但我亦相信，做朋友係要有最基本程度上嘅信任。如果你乜都驚我算住你，我都會諗，你其實係咪算我。
但偏偏現在就要和這類人合作，我真係有 Ｄ 頂佢唔順，我最多都只可以做到唔同佢爭，等佢「着數」多 Ｄ，唔洗成日煩住晒。
我成日諗：呢 Ｄ人生活點會開心！？
回應(5) | 回應的RSS | 暫時未有引用通告| (0)
