Lisa Simpson

明天就落更啦，無師父跟嫁啦，都唔知掂唔掂。

現在真係有 d 驚，因為雖然之前都可以話「攪得掂」，但唔驚都係因為一「攪唔掂」就可以找師父，現在唔掂真係無人理。

當然啦，都可以找 counter 掃把，但係又問掃把唔係又問掃把，咪又係比人罵。

今日雖然我放假，但有 d 同班同學都係返工，但好似佢哋今日都係跟師。即係話我哋明天係同期第一批自己落更嘅人。

即係想問吓人都無得問，唔知明天死唔死得呢。

仲要明天返 11個鐘，如果要死，真係幾死嫁！

死唔死得，明天話你知，因為我後日放假！

「late port 事件」之後，我返到去都預咗「唔好過」。但返到去又竟然「全世界失憶」，無人再提呢件事，當然我唔相信佢哋真係失憶，因為佢都有同小 W 講我嗰日係 port sick。

我之後問師父，佢都係話如果佢要你簽嘢，就會自己找我，我無理由「有腦地」自己去問佢係咪要簽嘢嫁！

但當然佢現在簽唔簽我已唔係一個咁大嘅問題，因為已經知到佢哋係點對我哋。所以你不仁，我亦都不義，我對 d 同班嘅人講咗呢件事，個個都 O 形嘴。更係啦，個個都係新人，個個都唔知病咗應該點做，現在有我呢個「人板」佢哋就更係更驚。

所以大家都覺得好唔掂，但當然都相賺多佢一個月先走，因為今個月有 allowance，都成兩千幾嫁。但就真係唔會過 probation，因為之後就要兩個月通知先走得。

所以話，就算你要簽我，到最後 lost 得最多嘅都唔一定係我，現在 d 同學都知到你點對我哋，好多都諗住走，你 lost 得仲多過我啦！

今日真係瞓得好正，仲 SEND 咗好多 EMAIL 出去。

但明天返到工就有「嘢」等緊我，明天就知！

希望快 D 找到工啦，大家有無好介紹呀？

都係紅衫親我 D ，仲有隻「咩咩」伴吓我！

其實呢兩日都有多少唔舒服，相信係作感冒加腸胃炎。昨晚都感覺到真係開始嚟，但要 PORT SICK 都要早兩個鐘，所以我就一早「教」定鐘。仲因為我得一個鐘，如果醒咗又唔係好病，再瞓返又驚瞓過鐘。所以我就「非常之無人性地」要肥肥「教」第二個鐘，跟住 CALL 我叫我起身。

今早醒咗真係唔多掂，又痾又嘔（好在嘔咗一次姐，痾就多 D）。於是就打電話返工司，但打極都係唔通。

我就打比師父（舊）：「我要 PORT SICK 呀，但唔記得個電話（我以為我記錯電話號碼）」「咪 XXXX XXX0 囉！」「咦…我係打呢嗰嫁喎，但都唔通嘅？！」「成日都唔通嫁，你「勁」打啦，或者試吓 XXXX XXX1 啦」「OK！ 唔該晒！」

我打咗幾次第一個都唔通，就試吓第二個號碼啦，又真係通喎：「我係 LISA ，我唔舒服，要 PORT SICK，我返…」「你 LATE PORT 喎！」「吓…！」「你返 XX:X0AM，現在 X4 分，你遲咗 4 分鐘啦喎！」「我之前打嚟唔通喎！」「個電話無響過，我一直都係到………總之我現在話你聽你係 LATE PORT SICK！」「哦…（都唔想浪費時間同佢吵）。」

打返電話比師父：「佢話我 LATE PORT SICK 喎……」「佢話係 LATE 就 LATE 嫁啦，一定要簽嘢嫁，你係乜事 PORT SICK 呀？」「唔舒服咪 PORT SICK 囉（因為 D 人係又 PORT 唔係又 PORT，已經唔記得 PORT 嘅原因係「可以」係真係唔舒服嘅）！」「一係你照返當無同佢 PORT 過，咪唔洗簽嘢囉！」

你估我玩嘅咩，如果我只係頭痛，可能我真係會為咗唔想簽嘢，而頂住返工，但我係痾嘔，淨係坐車都要成個鐘，都唔好話要痾啦，如果係車到要嘔（仲要「機場車」都幾「亡命」嫁碼！），咁點呀？

之後條氣當然唔多順啦，我又好無人性咁打電話比肥肥（六點未夠）訴一論苦。但最後都係決定唔返工，（一）PORT 咗之後又返係非常「樣衰」嘅事，咁咪仲有機會比人串你之前講大話（無論你有幾病，佢哋都覺得你應該返工嘅！）。（二）呢個情況又令我諗起「靚太唔易做」裏面嘅一句對白：「THANKYOU FOR MAKING IT SO MUCH EASIER FOR ME！」（多謝你令到我非常之容易地做決定）因為繼「68 蚊」後又一理由證明呢到唔好做。

原本如果我真係唔做，都會有小小唔好意思，佢哋比咗咁多時間 TRAIN我，又要比師父我跟。但現在真係一 D 都唔會覺得有問題，佢哋咁對人，我哋唔做佢都應該預咗嫁啦。繼續做就真係傻仔啦！

今日不知幾好，瞓到夠先起身。之前放一日半日假，都唔夠用嚟補返之前一更做十幾個鐘。今日直頭瞓夠先起身（不過都起身痾咗兩次），再慢慢開始「JOB HURT」。

總之就找到工就開 D 走！

今日無返工，多 D 時間伴吓個「仔仔」，見佢個背真係好返 D 啦！多謝大家關心！

都係嗰 D 藥好嘢，現在佢嗰背 D 皮都開始生返出嚟。當然仲要多謝「外婆」（我媽媽），都係多謝佢照顧「仔仔」，因為我都好忙（美其名，其實係懶），都唔多得閒幫佢塗藥水。

真係希望佢快 D 好返，可以放返佢同 D 魚魚一齊，現在佢要「格離」，好似坐囚咁，佢都無以前咁開心啦！

早兩日放假，因為約咗肥肥，所以走很好趕。好耐無同肥肥真正一齊過一日，雖然無乜做到 D 乜，但一齊都好開心。

第二日我哋就諗住去睇戲，因為我係會員，所以就諗住攞張 CARD 出嚟，先發現其實我留咗個銀包係機場 LOCKER（可能）。

老實講我嗰時我都唔 SURE ，係咪真係留咗係公司，因為成日前嘅事，都唔多記得我係無攞定唔見咗！？點解我可以第二日下午先發現呢？

因為我只帶咗張「八記」，坐車就用「八記」，之後就乜都係肥肥攪掂。肥肥仲比咗 D 錢我，驚我無錢係身唔知點。

現在諗返起，都覺得自己「好唔掂」呀！有本事無銀包係身咁耐，都唔知！仲要發現時都完全唔知係唔見，定無攞。

我真係第一次覺得自己係一個「無腦嘅女人」，正所謂英明一世，估唔到我都有呢一日。由細到大，我都係自己照顧自己，由去瑞士到去英國，都係自己攪，自己按排。估唔到有咗佢後就變得咁依賴！

點解我會成為一個「無腦嘅女人」呢？都係因為肥肥嘅錯，如果唔係佢乜都照顧晒我，我點會變成咁呀？！

一直都好羨慕 D 有人照顧嘅女人，但又死在我一直都好鬼有腦。現在有機會做無腦嘅女人，真係好。

做「無腦嘅女人」真幸福！