Lisa Simpson

今日真係慘，開工上到去先發現無攞「行李超重單」。唔好睇呢 d 少事，無要用嘅時候無帶，係要簽嘢嫁！所以我又要返落去 office 到攞。

已經遲咗上去嫁啦，之後上到去 counter，又發現「死仔 jack 」唔見咗（條磅鎖匙），真係唔知點算。好在同事小 S 有條 spare key，又好彩到比我之前見到佢，知佢返早。當然即刻 call 爆佢機啦，攪咗好耐先開到 counter。

開咗一陣就遇到個個客去台灣 passport 唔夠六個月，我都驚自己睇錯，再同個客 confirm 多一次。個客當然例牌地，大大聲話自己個 passport 仲有「不知幾耐」先到期（咪就係「不」知幾耐囉）。但睇真 d就知得返兩個零月（三個月都唔夠）：嘻嘻…咁快就用咗十年嫁啦，真係無留意到添！（係呀！你都老咗十年啦！）

個零鐘好快就過，之後食完飯就要做 counter assist，仲要係三個鐘添。真慘！唯一可以安慰自己嘅係仲有小T 同我一齊做。如果得自己做仲慘，三個幾鐘呀，大佬！

做 counter assist 仲慘過自己開 counter，因為無得坐，又要做跑腿：最慘係唔係做自己 airline（係做「牛奶」），我哋又唔係咁熟，真係做錯都唔知。

好辛苦咁過咗三個鐘，本來諗住可以準晴放工，真係多得個「多得你唔少家庭」唔少！

（請看「多得你唔少家庭」！）

(29158.jpg )

請問大家在機場客運大樓，有無見到個面無四兩肉，樣衰衰，成日「E」起排牙（其實係無肉「姐住」 D 牙），眼超超；身高十一寸，身穿黑白禮服（返工着乜鬼禮服！！），最後出現係 F 帶，正在「睇匙」（磅嗰條匙）。

此人名叫 Jack，志願做聖誕老人。現正「夾帶私途」，帶住條匙不知所蹤。如見此死仔包請如 F 帶黃色頭髮 Lisa 聯絡，如能找出此死仔，本人願以請食豐富早餐一大客加多個「啟翹」豆腐花。

丫… Jack 唔見咗，都係肥肥嘅錯，仲乜淨係買呀 Jack 比我，如果佢買呀 Jack 女友，現在 Jack 咪唔會跟女走囉！計落都係肥肥錯（乜都話係佢錯嫁啦！）

之前寫底但「唔見咗」，現在唯有再寫過！嗰日就真係滿天「星」。

第一個係「沈肥肥」，一句講晒：「真係好肥」同好「巴之閉」。而佢嘅份量當然係會要求坐 wheelchair。

第二個係家姐「周 X 淇」，真人真係幾靚，又睇唔出佢係咪真係「整」過。但 d 皮膚真係幾靚。本來我都唔知係佢，係小 L嘅客，都係佢哋之後話我聽，先認得出佢。

第三個係近排好少出現嘅「長恨女」，本來都未必認得出佢，但佢帶個「姐」住半個樣嘅「黑超」，都幾難唔知佢係明星。佢個樣又無乜事喎，面尖尖都不知幾靚，仲有相信 SKII 真係有 d 效，佢 d 皮膚真係靚到無人信。同真人真係無乜肉地，我相信佢真係需要增吓肥！

第三個係「 B 哥哥」，真人真係好高大，相信後生時真係「林」死女。但現在真係有 d 老態，但都係要加多句：真係好高大有形。同無乜「價旨」，都係個好人。

第四個係「關美人」，我都係現在先知呢個係佢個藝名。相信佢後生時真係好靚，但…女人都係無男人咁「com」老。

第五個就無真係見到面—「小超人」，佢當然係無親自來 check in，話晒都係 VIP。我都想見吓佢，但我都驚我見到佢時真係會忍唔住笑！

你話我哋呢 d 日日如是嘅人，無呢 d 無聊嘢講吓，d 日子點過！

昨日攪咗成日，但唔知點解攪咗成日都唔掂。仲要寫咗 d 嘢都 load 唔到上網。到最後真係有 d 唔多順氣。但無發啦！可能因為呢個網越來越多人睇，所以個 server 一時間 support 唔到。

多人睇都係一件好事。不過呢 d 都係我估嘅姐！可能係我個上網嘅 service provider 唔多掂先係！

今日放返佢落水（魚缸），佢都不知幾開心，我諗佢個背都算好返嫁啦。

睇佢落返水後有無惡化先啦！

希望佢開 d 好返啦！

昨日係第一天自己落更，仲要放完假，無人帶。老實講，真係唔知要點做。仲要係同期當中第一個，真係行先死先。

昨日要返好早，一返到去見到係坐商務 counter，真係好有d 驚。但又好天真咁諗：「上到去都係換我坐其他位嫁啦！」所以就大安旨意，上去先算。

一齊上去仲有小 L，小L 比我做得耐少少（但幾多就唔多清楚），以我所知佢同師父（舊）係幾好（幾熟）朋友。所以一直以來，師父唔係到時，佢見到我有 d 乜唔掂，都會主動出手。

小L：「得幾個 counter，最多比你坐後兩個，都係坐「商務」嫁喎。得啦！唔掂就叫救命啦！」但都同你格成條河（個磅），叫到都幫唔到啦！

之前都無坐過「商務」，現在第一日，一就咁「堅」，係咪要多謝你咁睇得起我呢？之前都係坐「會員」，所以「會員」要點做我都知，但「商務」就…都差無幾（我諗）！

好彩 d 同事都相當好，主動同我叫我有乜就問啦（真係好人）。我開頭都傻傻咁，唔知要準備 d 乜，仲要個客住動提我，先記得落 prorit tag （行李）。但都好彩， d 客都無發皮氣（雖然有 d 個樣都相當嚴肅）。

但老實講，剛剛開始一個人做，真係唔知自己做 d 乜。正如有 d 唔記得 check doc.，有 d 就唔記得入返 d 資料。都係算啦，爆鑊先算啦。

我相信第一日，我都算過關嫁啦！

昨日收工，比 admin 叫入去，本來意為係叫我比返個「青衣」牌比佢。原來條叫我簽，事但啦，我都預嫁啦。當然都有少少唔開心，但對呢間公司真係無乜「寄望」，所以都無乜所謂。

都係快 d 手搵工仲實制。