Lisa Simpson

今日差唔多放工時收到電話，話收到我個 CV，想同我做 interview。不過我係一個唔認得個電話號碼就唔會接嘅人，因為太多人打嚟做 promotion。

到我放咗工先 call 返佢，佢第一句就問：「你知呢份工係要返 shift 嫁啊！？」「知！」

之後嗰 d 都係好基本嘅「pre-in」問題，到問我明天放幾點，我話放兩點，佢就問：「咦…咁你返幾點嫁？」「早上五點。」「吓…咁咪好早起我囉！」「三點零啦！」

我相信佢聽到我現在係返呢種更之後，都相信我對返 shift 係無問題。

仲要好到佢話第一次 interview 只係對佢哋，所以唔洗咁介意個 dress code（我一定唔介意，係都係你介意姐！），放便我返工就得，有無真係好得咁交關呀！

但佢哋只係 agent，之後都仲要再 in 酒店嗰邊，但平時都要 in 幾次嫁啦，所以我都無乜所謂！

我相信佢哋都幾 urgent 要人，因為佢哋本來意為我係無工做，但聽到我現在返工，即刻就話：「咁咪要一個月通知囉？！」「我未過 probation 兩個星期就得。」佢即刻放心晒。

Anyway 明天就去 in 啦，睇吓到時點先啦，但我都同肥肥講過，就算新嘅呢份做落都係唔好，人工差唔多，都一定比呢份好，淨係唔洗返早上五點就已經好好多啦！

經我廣發英雄貼後，已有人將「死仔 Ｊack 」送回家，我亦叫肥肥買返個女友比佢，等佢無借因跟女走！

呢件事最終得益最多嘅係邊個？更係 Ｊack 啦，佢多咗個女友喎！哈哈哈…

多謝幫我找回呢個死仔包的人兄！

呢幾日家姐無做嘢（resign 咗），當然就要輕鬆吓，所以日日夜夜都上網。而我呢個「痴」佢 internet 嚟用嘅人就少咗好多上網嘅機會。

anyway，呢幾日真係真係諗咗多嘢，決定成日變。本來諗住不如現在 resign 可以同大家姐去台灣，之後先再找工。

又或者等到「老豆」返嚟，佢有工介紹先算。又或者點都好做到 probation 完先唔做（因為之後要兩個月 notice）。

本來真係有一段時間諗住呢份工，幾無錢途，現在都叫做有工做，好過之前咁多個月無嘢做。不知做一年先算啦！

但昨日嘅「經驗」真係令我好有即係刻 resign 嘅衝動。長話唔想多講，只係放 23:15 但結果要坐 00:30 嘅車返屋企。當然係講無 OT 嘅情況之吓咁遲先放！

昨晚問咗肥肥覺得呢份工點，佢一直都唔想比意見，但最後我都要佢講兩句，佢都覺得我不如找過另一份工。

其實佢一直都唔多鍾意我做呢份工，其實佢都已經盡晒辦法去「就」我 d 時間，但當然佢都會諗唔通一世都係咁咩！

我真係好想快 d resign，同家姐去玩完先算，但如果又要幾個月先找到工作，咁個戶口都需要 d 「營養」先可以「過冬」嫁！

今日去尖沙咀，當然要去「龍城」，上次同肥肥去都無四到嘢。

(31559.jpg )今日去就買咗「hand wax」，我對手真係唔知點解，經常用 hand cream 都係唔多好。仲好多「倒刺」添，今日買咗呢個，希望有 d 用啦！

(31561.jpg )

(31562.jpg )仲有貪得意，買咗個 Borthem 嘅 mascara 試用，其實買呢 d 都幾好呀，又細支。我真係唔想攪到我個化妝袋好似旅行袋咁。你都知啦，我日日都帶住佢嫁碼！

為咗知到呢支 mascara 用得耐會唔會變「國寶」（熊貓），我今晚就試吓先！

今日係去「板前」，之前去過一次， d 嘢真係幾新鮮。但唔知點解今日去到覺得差咗。唔係 d 食物差咗，係個感覺。

覺得「公式化」咗，之前都係有 d 「家」嘅感覺，現在可能因為 size 開始大（旺角店就開），所以 manage 得好…「有 system」（講得唔好聽就即係好「死」！）。

唔係話晒 d 乜，但話晒讀飲食都讀咗咁多年，係英國大大小小，成功、失敗嘅餐廳見過、研究過嘅都唔少。對呢 d 嘢真係好敏感，當一個餐廳嘅經營方式開始改變，佢嘅「感覺」就真係會差好遠。

service industry 和其他 industry 最唔同嘅係：佢係一個 people industry，係 sale 一個 experience。所以雖然 hardware 係重要（如 d 食物嘅 quality），但 software 更重要（如服務質數，環境氣氛和「感覺」）。

而我所講的 people industry 唔單止係講「客」，仲有員工（係！佢哋都係人嚟嫁！）。大公司，有系統係必然嘅（亦係應該嘅），但有系統唔代表「死」（或者「無生氣」）。

當一個公司只有「system」，無晒人嘅「感覺」，員工亦只會當呢份只係一個為佢帶來生活費的「活動」，所以唔會真係用「心」去做。佢哋唔一定會做錯嘢，因為仲想月尾有糧出，但一定唔會有「extra」。

記住 ：The different between 「Ordinary」 and 「Extra-ordinary」 just the little 『Extra』！

現在見到「板前」變成咁，真係有 d 傷心，因為上次來真係覺得好有「人」嘅感覺！

講咗咁多，其實有無人明我講乜？（不如下次講吓英國 London 唐人街嗰間「旺記」嘅演變啊！）

同大家提過咁多次，都未比過 d 相大家睇！現在就比 d 生活照大家睇吓啦！

(31479.jpg )我都唔知佢其實係男定女！

(31480.jpg )就四圍游，佢真係當個魚缸係遊樂場嚟嫁！

(31481.jpg ) 佢背到紅色嘅就係損咗嗰到，但紅色嘅係藥水，現在已經好好多啦！

(31482.jpg ) 仲玩泡泡添！

(31484.jpg ) 四圍找嘢食，佢真係乜都食，我 d 龍蝦仔都係比佢食晒，鬼唔係咁快高長大啦！

講到今天差唔多收工時，有一個家庭出現。佢哋真係班機 close 咗先來到。當掃把同佢哋講佢哋好遲時，老豆嘅回應係：「乜班機唔係開二十分咩！」（唔係呀哥仔！你連要早 D 機場 check in 都唔知，我嗰時都已經心知不妙！）

呢個咁唔掂嘅家庭，當然要人帶入去啦，我咪就係嗰個「要人」囉（算啦！都係三十五姐）！行去移民局時，我嘅習慣係睇多次佢哋個 boarding pass，為免佢哋唔知放咗係邊。睇真 D ，點解個 gate number 係「D06」，香港幾時有呢個 gate嫁？！

「小姐，唔係呢一套喎，你係咪仲有另一套嫁，呢套係去英國嗰程嫁！」原來佢收起咗香港呢程，都算啦，當佢唔識睇張 boarding pass。但之後佢同我講嗰句先驚：「小姐呀！（叫我）我哋現在轉新身份證，所以得張紙…」（你唔係呀！現在玩 D 咁嘅嘢，你趕飛機！）都係要睇移民局嫁啦！所以我都係要係嗰要等佢。

等咗十五分鐘，由好多人驚佢過唔到，等到無晒人唔知佢哋去咗邊。我就 call 返比掃把，結果當然都係要一盡責任，睇吓去機口嘅路見唔見到佢哋。又真係係「無人車」站到見返佢哋：「小姐，你哋係咪去 XX 嗰幾位？」更係佢哋啦，你估我睇唔到個「吉蒂」書包嫁咩！

咁就一齊坐車啦，好多人都知由 gate 33 到 80 （其實只係 50，51 到80 仲未起好！）係要坐車，但都係同一個站落，之後當然要行啦！當車停時，擴播就話係 33 到 80 閘，個老豆就話（又有正嘢聽）：「未到，仲有兩個站！」你話無人帶入去呢個家庭會係點？！

結果本來收 00分嘅，現在打 card都要 17分，呢次真係多得你唔少！