Lisa Simpson

昨日去深水步，其實都無乜買到 D 乜（個個女人都係咁講嫁啦！）。只係買咗 D 平時見到都唔多「寫」得買嘅嘢！

(32362.jpg )之前都好想買呢個猫猫 KEY RING，因為上次係街到見到都幾貴，但今次見到就平 D 。身邊仲有個洗錢唔洗本嘅大家姐，就更加唔洗諗咁多。

(32365.jpg ) D 鎖匙就收係裙仔內，真係幾 CUTE。

(32423.jpg )仲有呢個猫猫袋，因為我用嗰個我覺得太細，但仲用得，我都唔想買過個，但大家姐話：「更係咁嫁啦，幾時先等到佢爛！」同呢 D 人去行街，真係唔得你死。

除此之外，仲買咗線同波波，用嚟做 D 乜？遲 D 先話你知！

(32366.jpg )

(32368.jpg )

我一直都好鍾意去深水步，因為我鍾意串珠仔。但我家姐就無呢 D 浪費金錢嘅「興趣」（佢有其他浪費金錢嘅地方！）。

近排佢（大家姐）無乜嘢做，佢同我一樣鍾意做手作仔。仲可以做吓「自己生意」，所以我就介紹佢去深水步行返轉，佢都未去過呢個咁多金嘅地方。

今日同佢去，就真係行得好甘。我哋諗住睇吓 D T SHIRT 大約幾錢，再自己加 D 手腳，再在 網上買出去，當然唔係可以靠呢個為生，但如果做到嘅，真係好有成功覺嫁。

今日佢就真係大開眼界，我就真係行得好甘，大家唔該記住，我今早係三點幾起身返工。已經做咗六個半鐘嘢，仲要係無得坐添。

我問家姐：「你唔攰嫁咩？」「真係唔攰喎！」「你唔記得我今早返咗工啦？」「唔…我諗如果我有返工，都會好攰！」

我哋仲見到好多好平嘅文具，真係好開心（我係一個見到文具就好想買，好開心嘅人！）！

我哋都大約有個 IDEAL，會點攪，仲諗住明天再返去買（我現在有 D 後悔應承咗大家呢樣嘢添！），可能又會再買一大袋嘢！

我真係教壞人！

今日當然又係返早，我就諗星期二 D 機應該唔會太爆，但係今日 D 機竟然係爆到好唔掂，和昨日比可以話係有過之而無不及。不論上海或北京都連爆幾架，即係話一 DB 就會「骨排效應」，全世界一齊死。所以你都咪就唔驚！

所以我上去開檔時，真係好驚，千其唔好係我有限嘅時間內（希望好快就會轉到工啦！），要我DB 客。但今日好奇怪，我做嘅客無乜邊個係去北京上海，就算真係去呢兩個地方嘅都係有定位。真係可以就無乜難道，好快（同準時地）咁就放食飯。

食完飯仲可以好好咁瞓一覺，之後去做「牛奶 Q」，一覺醒來。無晒人嘅？平時佢哋都無咁準時去 BREIFING 格？！事但啦，我都係自己上去嫁啦。

咁我就自己推車上去開檔，到我已經攪掂晒所有嘢，連唔係我上嘅行李帶都上咗，佢哋都未上嚟。我真係開始有 D 心驚，唔通我睇錯時間？無理由嫁，全日得一班機之碼，點會睇錯！唔通我記錯地點（呢個可能性大 D！），CHECK 完之後都係無錯。再打落枱，大鑊！完來佢哋爆大鑊…隻機要 DELAY 因為來嘅機有機件故障，仲要係三個幾鐘，你都咪話少嘢！

佢哋上到嚟時，基本上 D 嘢都準備好。但因為我係安排 D客排隊，所以我要同佢哋講 DELAY 嘅事。嘩…我唔係驚一樣嘅說話要講三百零次，係驚個客聽到要 DELAY 三個幾鍾唔知有乜反應。仲要有八成嘅客係有 ONWARD FLIGHT，就算同佢哋客排咗其他機，都唔代表佢哋會受呢一套。

但又好好彩，唔知點解，竟然無一個客發皮四。當然有 D 人都有 D 唔老禮，但佢哋都明唔係我哋可以話到事，最多都係想要多兩張 MEAL COUPON。只有當中一個學生問我：「我有個 PROBLEM，我要返英國考試，咁…」我就真係幫你唔到。

仲要今日係無論咁準時放工，真好！今日個咁「危險」嘅情況，都可以無風無浪咁過，真係上天照顧。多謝晒！

呢份工真係可以見到好多明星，但見到還見到，八掛吓就好啦。但今日比我見到一個明星，係好興奮。

呢個人就係…MR.BEAN，哈哈哈…真係好開心！我望住佢行過多過十秒，我相當肯定係佢。

我真係未試過見到個明星係咁開心嫁。真係好正呀！

今日放工後，真好。可以去同肥肥食個飯先慢慢輕輕鬆鬆去中環 in。因為做咗呢份工之後，出咗糧之後都無同佢興祝過，所以今日同佢去食「和民」，真係食得開心。我仲覺得「和民」d  lunch 高當咗添。

anyway，之後就去咗 interview，其實個 interview 真係好「是但」。都係嗰句，只係睇吓我係咪四支健全。當然仲要test 吓我 d 英文，基本上一開波就講英文講到完為止。你考我中文可能我都會驚 d ，英文真係唔驚。

呢份工係做酒店 reservation agent，每星期一日半（其實會兩星期三日），有萬二蚊人工。都幾好，我現在真係要做到死先會有萬二蚊人工。仲要一定兩星期無兩日假（如果OT 到有萬二蚊，有命洗我就開心啦！）。

仲有佢哋個 counter 開八至十一，所以就算點返都係 between 呢般時間，即係早極都係返八點，點遲都係放十一點。都不知幾好，仲有佢話呢份工唔好嘅地方就係都雖然係 customer service ，但唔會面對面見到個客，只係係個電話到講，我就覺得仲好，唔洗成日比個客見到樣。

如果呢份工係成嘅話，我就一定會唔做現在呢份工。

今早真係有衝動想唔返工，因為真係太睏。完全唔想起身，當然我咁講得，即係最後我都有起身啦！

今日都唔算太辛苦，只係每個星期一都會發生嘅事，就係 d 機 over book ，仲要係爆晒嗰隻。

一上到 counter （六點鐘）， 第一個客已經要同佢講：「先生，無晒 d 走廊同 window seat 啦，得返 d 中間位，我同你攞個前 d 放便落機啦！」班機仲有兩個鐘先 close，你都咪話唔驚。

再過一陣就已經所有相連位都無，全部人都要分開坐。但差極都唔洗 DB （delay boarding），但就比我遇到一個，我相信都無乜機會再遇到嘅 case。

話說我今日就 check in 咗一個 canda 嘅客，咁入咁佢嘅 passport information 時，個電腦竟然話呢個 passport 入唔到電腦，因為佢個 passport 係假嘅。

嘩…唔似喎，佢個 booking 乜都有，連飛行里數都有，點都唔似係假嘢喎！唔通現在 d 假證真係似得禁交關？

我當然決定唔到呢 d 咁重要嘅嘢啦，個客見我咁「苦腦」都問我係咪個 passport 有問題（唔通佢心中有鬼所以咁問呢！？）所以我就去咗問掃把，佢都唔多信我講嘅嘢，佢自己就照樣入咗一次，結果當然係一樣啦。「你入落 passanger massenge 到啦，可能係 system error，我哋個 system 係 check 唔到假證嫁！」

咁即係話之前個 system 話個證係假跟本就係個 system short 咗！嘩…真係呢 d 事唔係日日都見到，我都覺得幾好…笑！

今日竟然好少何地可以有幾個同學同時放食飯，大家一齊，就更係講返份工。

做得 ok 嘅當然都有人（小 S 一個），其如嘅都係麻麻地。其中一個話題就係成日都遲放我哋 BREAK 同食飯。呢樣嘢就令我諗起有人同我提過，「有人」（應該係掃把）覺得我哋 D 新人（唔只係我哋呢班，係所有新人），唔係「蝕底」，做多一陣都唔願意。

但話分兩頭，其實大家都知做呢 D 工，如果 D 嘢未攪掂，真係唔可以話走就走。但做起嘢上來都有分「快快手手一齊攪掂佢先算」；同「發住皮四嚟做」。但有 D 掃把就真係「老馮」到爆，就算係全場都無人，一個客都無，五六個 COUNTER 一齊坐係到磨指甲，佢都係唔比你走，仲要好死串咁問：「你家陣好趕咩！？」係唔鍾意比你走，所以無得走。同爆晒 QUEUE ，個個做到死咁所以：「呢到唔掂呀，幫幫手啦！」係兩件事！

我哋呢 D 靚妹，又唔係要求 D乜，要我哋死心眼咁幫你手，唔好話你做唔到，只係你願唔願意做。你對我哋好，我哋又真係同你計嗰十五分鐘咩！

我最相信人心肉做，你對佢好，佢就算對人係唔好，最唔好嗰個都唔會係你！