Lisa Simpson

真係我都有小小估唔到，但早兩日又發生咗 d 令我好唔開心嘅事（都唔想多講！），仲要撞正我生日先發生，咁咪真係叫我走！

之後同大家姐講吓講吓點樣做「上網生意」，當然唔係賺到 d 乜錢，但真係好有成功感。我想找到工作前，都係做吓呢 d 嘢先。

今日比信時，我行過去（都未講嘢），佢已經話：「你唔係唔吓話？！」「係呀！」（因為我已經係呢個星期第三個比信！）

佢當然都盡咗佢嘅「本份」，就係「留」我。但老實講，我由二月尾就開始想走，邊有咁易留到我。我都有講到其實份工本我無乜問題，只係做得唔開心。

原來係佢心目中都有幾個「黑名單」，呢 d 就係成日整到 d agent 走嘅人囉！佢話會同 d 掃把講吓，佢問我有無機會我會再考慮吓。嘩…你話同佢哋講，就算佢哋「現在」真係「無咁串」（只係無唔姐，唔係唔串），但邊個知你幾時會變，唔通到遲 d 你串返時又去 resign 咩！遲 d 我就真係要兩個月通知，你叫我點算。

我諗我都有可能考慮繼續做，但我想信都係做到 probation 完，因為之後要兩個月通知，真係幾攞命！

我明天都要話比佢聽嫁啦，但我都仲未決定，但如果廢事攪咁多嘢嘅話，都係走就算啦！

P.S.比人留嘅感覺真係幾好！

(32956.jpg )

大家睇吓佢開 counter 開到幾 hea…

今日見到小V，我問佢諗住幾時 resign，佢仲諗找工時寫幾多 expected salary。你話係咪比佢激死！！

淨係呢樣嘢都諗咁耐，如果佢仲唔開始攪，就要做完 easter 先走得嫁啦。到時就真係大鑊啦！

另外 小 W 決定明天比信，因為佢已經找到工作。佢就好啦，咁快找到。不過佢都係找秘書工，因為之前都係做開嘅！

估唔到最後第一個比信嘅係小W，一直都係諗住佢會繼續做。因為佢一值都幾「無乜嘢」，又唔多見佢對份工有乜唔滿意，不過佢話上次要企四個鐘就真係唔掂，仲有嘅當然就係無乜錢啦。

都好嘅，起碼比公司知到我哋都有自己嘅打算！（雖然佢哋都唔會 care！）

昨晚佢哋好夜先打電話比我，話想我返多幾個鐘。ok 啦，佢咁好語氣，都係返多兩個鐘姐！

但原來一返到去係「放食飯」（五點幾鐘食飯？？），之後就開 counter，本來我唔係開 k 帶，但因為 k 帶太多人（除咗新年期間，我都未見過 k帶咁多人），所以都叫咗我去幫手。我哋已經開多咗四個 counters，都仲係打蛇餅。

我開 counter 開到 7:30am，之後我開嗰邊要 close，我諗住可以過返去 G帶到開自己檔，因為我哋嗰到都爆機。

但原來佢哋真係好唔夠人，我要繼續開 F 帶。之後我發現佢哋唔夠人嘅程度真係好厲害，因為 economcy class 得我一個人咋！

等我都唔好意思話走，但到我又夠鐘開第二班機時，都要出聲。要我幫手無問題，但唔該同嗰邊嘅掃把講聲先啦！

K姐（掃把）都唔錯，都有比少少時間我飲杯水，唉…見到大家都咁辛苦，佢又咁好人，都無乜所謂啦！

之後做大單，都幾好，可以休息吓！

剛剛收到編更電話，問我可唔可以明天收晚點。咁多「唔該」，唔幫手都唔得啦！

所以話「一句唔該洗死人！」點解 d 人唔用多 d 呢？

做多幾個鐘，條氣都咁順，真難得！

呢幾日都係返早放早，所以洗咗衫都無機會攞。我着住同一套衫成個星期，今日見到唔係太眼瞓，所以咪落去攞衫。

當然就係換衫，攞去洗。但換衫就要除 premit，點知唔記得攞返條 locker 鎖匙。結果呢？咪要爆 locker 囉！

我就去咗 baggage department 到借「工具」啦！結果都爆到！

我今日都唔知點解咁無記性！

今日又係開早，但最唔同嘅係今日嘅 counter 掃把都係好好人（L哥 同 B哥），雖然係辛苦，但人心肉做，只係人講句：「唔該晒、辛苦晒！」就真係做乜都無所謂。

但有 d 掃把就真係乜都唔理你，乜都係「請你就更係要做嫁啦（係，但都唔洗咁嘅態度吓話！）！」

但今日見到佢哋兩個，真係可以話「成個天空嘅『賈啦』都唔同晒！」如果所有掃把都係好似佢哋咁好，我相信我會繼續做落去！

唔知明天會點呢？