結果前日都係同佢哋講，我會留多耐 D 睇吓點先！
其間我一直都決定唔到，但呢個決定都因為好多因數嘅！
1) 之前我同「大粒」講關於 d 掃把成日罵人，係又罵唔係又罵。攪到我真係無乜心機做，其實佢都呢個問題，所以佢一直都係有個名單。之後我又多真係覺得好咗好多，當然我都有擔心佢哋係「四川高手」（最叻變面），但我都多謝佢哋嘅改變嘅。
2) 銀行無乜錢。有無攪錯，做咗幾個月個戶口都無幾多錢多到，可想而知呢份工收入同支出嘅比例。但無錢又點樣「量地」呢？所以如果份工係「頂得住」啱，就做多陣，儲多陣錢先，但人工咁底，真係唔知點儲。
3) 好多好同事都話剛剛做係唔慣，但過咗幾個月就好好多，所以我都想試吓！
4) 我講我會走時，佢個樣真係幾擔心。我都知現在家姐又無做野，我又唔做嘅話，都幾係嘢。其實呢個都係一個幾主要嘅原因。我都做咗「無聊人」咁耐（都唔可以成日係咁嫁啦！）
所以最後都係同佢講，我會做多耐睇吓慣唔慣先。佢哋更係開心啦，但我都係諗吓嫁咋，因為始終之後要兩個月通知，都係一個好大嘅難關！
回應(4) | 回應的RSS | 暫時未有引用通告| 
(0)
真係好多日無寫嘢，原因有幾個。
1) 好忙！又或者話係時間唔多甲。成日都返成十幾個鐘更，放工之後都無心情同能力老去寫啦！
2) 大姐在家，大家要知到我係「痴」佢上網嚟用，所以佢係到，加佢用個 internet 嚟「做生意」，我就更係唔可以用啦！
3) 呢個網越來越難上。近排真係唔係好掂，成日都上唔到嚟。可以係成晚都上唔到，又或者 load 成十分鐘都 load 唔到嘢上網。我已經「時間無多」嫁啦！你仲要寫少少嘢都 load 唔到，我都係用 d 時間去沖涼好過！
回應(2) | 回應的RSS | 暫時未有引用通告| (0)
今身日本來係要答佢哋我會唔會留底，但當然放咗工就神仙啦！
今日都 OK 啦，但當然我仲有 D 唔鍾意呢個「十一日更」（要返十一日先有假放，乜香港唔係法例說明最多返十日就要比我哋放假嫁咩？）。咁即係迫我「port sick」嘅姐！我點可以同你返十一日呀？！
其實我 reconsider 都只係限於現在唔走，都唔一定留底。其實我都係諗住，做到 probation 完，因為之後要要成兩個月通知，真係唔多掂。
我都係諗住做多一兩個月，有多 d 錢先走。
做咗咁多日，真係有 D 頭痛，明天真係唔想返！
昨日 小 C 又比人屈，詳細唔講，都係一句：「咁都得！」佢現在都諗住走啦，現在只有一個人無（未）諗住走，呢到久竟發生乜事！
今日有個客，要求路口位。但班機非常滿（上到機都算你好彩），所以無晒路口位同走廊位，淨係得中間位。
佢就好唔高興：「格離嗰個（另一個 counter）都有得簡，點解我無得？」（你哋同你都坐唔同嘅機，仲有人哋坐 business class，你點同人比？）
「我咁早嚟都無路口位？」（早一個鐘就算早呀？ ！d Through check 嗰 d 早你十個鐘啦！ ）
「有無攪錯呀？路口位都無，乜嘢 airline 嚟嫁！」（呢句我都唔係好明，無乜特別意思，即係廢話一句！）
「你哋隻機有幾多位？」「Economy class 有 150 個位。」「150個位都無路口位，係咪真嫁？」（現在全機得返 6 個位，你坐就坐，唔坐我相信都唔會「吉」咗係到嫁！）
對客我 d EQ 真係特別高，我只係覺得佢好好笑！
你鍾唔鍾意，班機都係咁飛嫁啦，你唔鍾意咪唔好坐囉，我都係放咁多點嫁啦，你唔好激親自己呀！
回應(4) | 回應的RSS | 暫時未有引用通告| (0)
唔知佢哋係咪「溝通」過，今日真係有 d 嘢好唔同。
for example：佢哋對我好咗好多，個個都好有心咁幫我。但真係好到有 d 驚，因為平時真係無乜人得閒理我。
第二就係以我哋呢 d 「細薯仔」，鬼知我叫佢名咩，但今日我有少少 feel 到我有 d 「揚名立萬」嘅感覺。個個都叫得出我個名嘅？你話驚唔驚，真係「你在明，人哋在暗」，呢個感覺真係好可怕。
問題又係到，咁我現在好唔好繼續做呢，我唔係話人哋一定要對我好好，我只係唔想「無那那」比人罵。今日個 feel都好好，但真係唔知會點變，可能明天又會變返之前咁。
我都有 d 想繼續係到做，因為我都覺得其實份工係無乜大問題（小問題當然有），但係 d 人有好大問題。但如果解決到嘅問題真係唔大，當然我會唔會做到過 probation，係另一個問題，但起碼我現在願意試。
但今日收工時收到 memo 話我要見 HR ，唔知佢哋仲係咪想留我呢？
回應(2) | 回應的RSS | 暫時未有引用通告| (0)
今日見到小 S，同佢講我比咗信。
佢都有 d suprise.，因為都無見我幾日，都唔知幾日內已經發生咗好多事。但佢都 surprise 我，因為佢話佢都想走「你唔好走呀！」我話「係都下星期先啦， J 姐已經三日內收到三封 resign letter嫁啦！」
我都覺得 J姐慘，但都關我事，我無理由因為其他人 resign 以我唔走嫁！小 S 走嘅原因係佢識日文，亦有公司要求嘅 cert.，亦將會入日航 team，但唔會有 extra allowance（日文嘅）。咁就真係好無癮！
比着我都覺得無癮啦，呢到份量又唔係多，除非你有其他 allowance，但佢乜嘢 cert.有，仲入日航 team，但就無 allowance。
真係唔知下個月會有幾多人留底！？
回應(2) | 回應的RSS | 暫時未有引用通告| (0)
本來諗住都走啦，生日都係唔返工。但我都係想返去比信，所以都返咗工。
但因為星期日 off，所以肥肥同我都係星期日食飯，當然有生日禮物啦。
之前我有提過想帶水晶，但你知啦，女人永遠都係諗來諗去，都唔知邊隻魚最好睇。
(33445.jpg )
(33447.jpg )
肥肥話係叫「海藍寶」，老實講之前我都唔知有藍色嘅！但又真係幾靚。我都好鍾意！之後肥肥 send 咗係 link 比我，先知原來佢係「三月的出生石」（原來個死老真係有做功課！）。
http://www.wisin.com/Gem1/Aquamarinl.htm
仲有呢條電話繩添（因為我成日投訴 Jack 無女友，會跟女走，所以佢就買 Sally 伴佢。又難得我問佢 Jack 個女友叫乜名，佢真係答得出！
真係底比一個叻比肥肥！）
(33450.jpg )
回應(4) | 回應的RSS | 暫時未有引用通告| (0)
