今日返到去，都係開 counter，真係做到無停手。個 pat 都未點過張 chair。但好就好在時間好快過，三個鐘嘅更，真係話咁快就過。仲要好彩到有人 take 我，所以可以準時走，真係好耐未試過可以咁好彩。
之後食完飯仲有少少時間睡一睡，真好！到做第二轉 counter時，本來我都係 take 人，但比掃把叫咗去 group counter 到幫手。
去到真係人山人海，但因為成三個人做，所以都好快去到 D 客。之後 D 人都去咗，得返我同本身係做 group counter 嘅同事。係人都知 group counter 係忙一陣，之後都係 hea…。我就話之你，叫得我過嚟忙，我就唔會「醒」到自己過返去，一係你叫我，如果唔係我就係到 hea…到收工。
結果當然真係 hea…到收工啦。當中都有做到嘢嘅，因為同事係帶徒弟，所以有客都係我做，等佢多D時間教佢哋。所以係呢段期間，本來得一個人開嘅 group counter，就有四個人做嘢。仲有人同我講吓嘢，都不知幾 hea！
但呢 d 生活真係唔係日日有！
所以今日 in 完之後，幾眼睏都去咗行街，睇吓有乜可以做生日禮物。
本來睇中咗 d ，仲要間店「結業清貨」，所以我諗住買 d 正嘢，點知等到一點幾，間嘢都仲未開。我真係頂唔順，好眼睏。
鬼唔係要「結業清貨」啦，成兩點都唔開門！
結果肥肥就變咗無生日禮物！ Ｓorry，唔關我事嫁！明天仲要返工添！
「我要路口位！」
「先生，唔好意思，班機好滿，無晒路口位同窗口位，我攞個前 d 嘅位比你啦！」
「又無，我次次坐都無路口位嘅！」（先生你嘅邊位呀？老馮有路口位嫁！）
「次次坐你哋班機都爆，有無攪錯！」（班班機都唔滿，就唔洗請我啦！）
「下次都係唔坐你哋，你哋 d 機咁爆！」（你咪坐 d 唔爆嫁囉，唔爆即係唔多人坐，即係唔受歡迎，你自己諗啦！）
星期日晚上返上海嘅機就一定滿嫁啦，你唔坐都有大把人坐！
呢兩個更都返過，我都係覺得早更好 d ，因為返完之後都仲有少少自己時間。
但返夜更就乜時間都無晒，仲要成日驚坐唔到車，要等一個鐘。
仲有，夜更又要做達卡機，好多人走水貨，成日都要同佢哋「講數」，真係好死麻煩，有時又要入機只收行李超重。有時又要做多轉 Ｑ control，無無聊聊又要企多兩個鐘。
所以都係早更好，最多都係忙 Ｄ，但返夜都係要忙嫁啦，做達卡機仲忙啦。都係早更好！
昨晚放十點幾，難得一日放假（都等咗十一日），都要一早起身，你都咪話唔…
但份工都好，起碼多現在兩千蚊，仲係每個月有六日例假（兩個星期三日）。呢個都可以話係意料之外，因為我哋呢 d operation department，通常都係要返六日（每星期），所以都可以話幾開心。
但佢哋就無其他酒店基本上都有嘅「員工福利」，就係包食。但有 meal allowance，都無所謂啦，我現在都無嫁啦！
但份工其實係 front desk，其實我想做 reservation 多 d ，但比起現在份工，都無乜所謂啦！
但係就無講到 d 更係點編，經過現在呢份工，我都要問清楚 D 先！
今個星期真係忙到無命，每日都係返工跟住放工，就返屋企瞓覺。真係乜嘢私人生活都無晒，成個生活都比晒份工，我真係唔想人生就咁過！
都係返早好，D 時好似好用D。
但當然最好嘅方法係快 D 找工，早走早着！
正當我前日先同「大粒」講我會留底試多陣。昨日就收到電話叫我去 interview。你話死未！
其實都係之前 send 嘅 email，都估唔到現在先有 interview！去唔去？更係去啦！雖然我都有諗過，如果現在又去另一間公司做，又要再重新 get used to 新嘅環境，都唔係一件易事。
但一諗到人工好大機會會多 Ｄ（減去車費），同返工唔洗咁耐，就真係好心動！
都係睇吓點先啦，因為人哋都唔一定要我。或者都係得個「吉」呢！
今個星期難得一日放假都要去做 interview，真係有 Ｄ都想。仲要之前嗰晚收十點幾，真係仲辛苦過返工。
回應(7) | 回應的RSS | 暫時未有引用通告| 
(0)
