Lisa Simpson

今日有個客，坐商務，留咗個窗口位！

客：「我都係想坐路口。」「唔好意思呀先生，今日班機好滿，所有路口位都無晒啦。」

客：「咁有無頭等？」「今日班機係細機，無頭等嫁！」

客：「咁比我前D。」「商務得兩行。你現在都係第二行，其他位都無！」（都話咗無其他位啦！）

客：「乜都無嫁！你諗吓辦法啦！我係你哋會員嚟嫁！」（發皮氣地）

諗！點諗？叫公司開班大機比你坐頭等，or 同你格離嗰個一樣係商務嘅客講，叫佢同你轉位，因為你係我哋嘅會員？

老實講！我哋嘅會員何止千萬！真係講你都唔信，一班機除時過半數都係會員，你又唔係高級嗰隻比係命你（你受得起先啦！）！

不過之後我諗返，呢個客都係想「R」嘢（攞着數），仲要係坐商務但來我頭等 counter check in，佢都諗定要攞嘢嫁啦！

我無同但客爭吵，check in 完就比嘢佢走，佢都無聲出，又唔可以 complaint 我。其實我都可以同佢落 message 叫人如果有客唔到，就轉返個路口位比佢，但你估老馮嫁。係都轉比 d senior member 先啦（同客氣 d嘅先！）！

所以話家家有求，你估你係客就大晒咩，我係要「整」你都唔洗係你面前啦！

昨日放假，開始有 D 熱，所以穿咗條短裙仔，都不知幾舒服。

所以昨晚都準備咗短裙仔穿返工，但今日返早上五點鐘嘅我，都係決定穿返九仔褲。都只可算係剛剛好！

但到放工時就更係熱啦，但上到車都差唔多！

見到 d 同事穿得好夏天，我都好想！

媽媽從今日開始要返鄉下掃墓，香港淨係得我哋幾個（女）。雖然唔算「home alone」，但因為家姐自己有地方去，所以都係一個人過今晚。

今日放工，覺得有 D 空閒，想到呢幾日要「自生自滅」，所以去咗買 D 「補給品」。又想到呢幾日都無飯可以帶，又買咗 D 「quick cook」。返到屋企又發現無乜特別嘢做。

但感覺好似以前係英國自己住咁，可以話好自由，做乜；幾時做；點樣做都係自己決定，無人會問你，但又有 D 「無人理」嘅感覺。

今日好想食臭豆腐，真係好想食。但行晒大半個黃大仙都找唔到，真係好有失落感。

今日真係甘甘地，都唔知點解，個個星期日 D機都滿嫁啦，但真係未試過會成日都有人龍。

每次都係忙完一排，又靜一排。但係今日我真係未見過條龍短過兩個圈，我每次上 counter 都要遲一個鐘先落到更，真係有無攪錯。

到最後都要 extend 個幾鐘，都係我問咗好多次先有得走。但就係因為咁，我就 miss 一家人食飯嘅時間。放嘅時候都六點啦！

呢個半鐘 ＯＴ 真係唔易賺，我都不知幾後悔。我仲要放棄半個鐘嘅 break 先有，即係計到尾係…。

下次咪攪我！

越做越覺得呢份工無乜難度，真係可以係到做一世（如果唔死得嘅話），因為當你做落，其實 d 嘢都係咁做。

但每日返工都係諗同一個問題，就係「個更編成點？」，如果你好彩，可以成日都係 hea…過，夠鐘就走人，你唔好彩就真係 living hell。當然仲要加上邊個掃把助陣，遇着個好嘅就 you are my surshine，遇着個「唔得你死」嘅，就真係想死咗佢算。

好似每日都有一定嘅變數，你可以話好，可以話唔好啦。但當然轉工都係要從新嚟過，好定唔好都未知，但淨係人工高兩千加唔洗三點鐘起身，再踩十五個鐘更就已經值得一試啦！

今日都係都返工（明天仲要返五點），所以都無點樣興祝，只係同佢食咗餐，但我諗其實我開心 d 。

之後佢就去找 friend （可以係去溝女），我就返屋企（當然係瞓覺啦）。就咁就過咗佢嘅五十大壽，我都有 d 唔好意思！算啦！等佢六十大壽再興祝過啦！