Lisa Simpson

昨日去咗深圳，之後雖然都好晚返，但都唔係因為咁所以 pro sick，係因為唔知點解，都無食到 D 乜，但「口龍」就痛到飛起。

要知到我哋呢行真係要不停要講嘢，所以真係唔想返。仲要一諗到呢幾日有好多人去旅行，我就真係想自殺。

昨日和大姐及一位朋友（三個女人）北上，去深圳購書中心。呢到仲要比深圳書城大，只係比深圳書城多一個地鐵站。

(閱讀全文)

上星期六再收到 call 叫我去 interview，呢個仲要係二月時後 send 嘅，但佢一直都無理我，我相信佢嗰時都找到人，但現在可能嗰個人又走，所以要請返個。

今日收工時見到一個「大粒」，佢問我做成點，都 ok啦！一個好普通嘅答案。佢又問我係咪走，我話咗比佢知我攞返封信，但當然無講我只係諗住做到 probation 完啦！

仲同我講咗好多如果我遲 Ｄ 入咗 team 會仲好 Ｄ 添，但我真係好想同佢講，如果唔係要兩個月通知就最好，如果唔係我就真係好難作決定。

但自從上次比完信，佢哋都放咗我係「保護期間」，其他同期嘅人都有得去 train 新 system，我就淨係返工。

我唔係特別想入 team，只係驚現在都仲未入，我就唔知入咗 team 後，我鍾唔鍾意同頂唔頂得順。又或者我好鍾意呢，令我一定要留底呢。

但我都唔知點同佢講，唔通我同佢講，你比我入 team 先啦，如果我鍾意，你又唔洗我比兩個月通知，我就繼續做落去啦！

講咗都覺得自己句說話無腦！

比車車 tag 中，其實都係好耐之前就知，但一來無時間去寫呢個 topic （自己嘅事都知乜時間寫）二來我都用咗好耐先「諗得」明個 topic 係點解！（對唔住，中文差！）

咁我寫下先：

1. 我一開始寫時，係為咗練中文，我之前 D 中文仲差（講到都唔知自己講乜），寫就更差，真係小學都不如。嗰時我諗，我都之前（成十年前），都係用 ICQ 練英文，現在都可以用 blog 來練中文。仲可以練中文打字添。結果都不知幾好！
2. 發作家夢。其實由細到大都想做作家（家陣真係諗都唔洗諗，唔變文盲算好彩！）雖然我都知有 D web site 係幫/比人 post d 作品上去，但以我咁嘅料！真係唔知幾時先有得上牌！但現在就可以寫乜都比人睇（當然人哋可以唔睇！），都不知幾開心！
3. 識朋友。呢個唔算係我寫 blog 嘅目的，但係一個 result！都相當之好。
4. 同肥肥溝通，有時真係無乜時間伴佢，都係靠佢自已睇「通告」，所到我嘅事，呢個功勞真係佢嘅！
5. 發下癲！個客唔罵得，係呢罵個夠。公司唔投訴得，係呢到唱衰佢！舒服晒！哈哈哈…

現在我想 tag：

本來第一個我會 tag Blueberry ，但佢都比人 tag 咗囉，所以唔 tag 佢啦，我 tag 約好在這世界一起逛、印、朱健新、ball、聞斯行諸、飲食熊貓。多謝各位，排名不分先後！

原文 — 車車 — 2006-03-20 18:47:42

2006-03-20     18:18:15

哈哈~~~想不到小車竟然被tag中了~~~第一次被tag中了的感覺很奇怪,感覺像是有隊友傳了籃球等我射球一樣…唔知點解會咁諗,不過真係好得意^^

原文 — 趣兒 — 2006-03-19 22:33:42

遊戲規則　(以下請copy)
1. 請先發文，寫出六項您認為的『部落格有啥了不起？』可以是現象、理由、影響、故事甚至只是一句話，搞笑、漫畫、照片、唱歌、跳舞，什麼形式都可以！
2. 寫完之後，請繼續點出六位blogger，到對方家留言通知，把題目繼續傳遞下去；被點中的blogger必須再點選六位blogger，如此論推…. ，記得，在你自己的文章最後，要宣告自己點選了哪六位幸運兒，並附上這六位的blog連結。
3. 最後，記得使用引用功能，把你的這篇文章，引用回當初點名你的人的那篇文章。

之前遇到嘅麻煩客加一來十個（係十個，ten）VIP，真係煩到爆，所以個個都鍾意做頭等 counter，我就最曾！

仲要落工時用錯「八記」（我有兩張，一張係之前一直用開嘅，一張係機場員工嘅），我諗住今日又唔係好趕，所以坐返工放工坐同一號車（平時為咗放工唔洗塞車，都會坐另一號車），可以平 D（回程有八折），點知我排隊時都諗住用機場「八記」（返工時用嘅一張），但到上車時竟然比錯！

咁就比多四個幾（好似係咁上下），真係唔知自己做乜！由推出到現我都只係 enjoy 過一次減價咁大把咋！

今日走前十分鐘有個女人來到 counter，行李多過「醫神」個老婆，但只係經濟。當然過重，就同我「講數」，之後中比我發現佢個手提成 17kg，仲衰多 d。

買到咁，有乜可能唔洗比（以謂）。所以我一定死咬，佢 total 成 16kg，不停叫我比 discount。仲叫我落咗三件先（落咗呢三件你仲會比件 17 kg 嘅手提咩，我都做咗對賤客 8 年，你都唔好當我流嘅先得嫁！）

佢諗住到班機要 close 時，我一定要比佢走，可以唔洗比錢，但老實講，我哋一日十幾班機去上海，你坐唔到呢班咪坐下班，係你嘅事。仲有自從上次見到個 airside 掃把 為咗 10kg 嘅行李錢，offload 咗個有七件， 230kg行李 嘅客，我真係一 d 都唔驚。

我諗佢無諗過我會咁強頑，但嗰時又真係無客，我又真係好有「心」咁同佢玩。當然我都有比到 waiver，但佢都要比 24kg，仲要加…上唔到機！哈哈哈…（因為太遲，行李上唔切！）

所以我都覺得佢幾 total lost！我當然都覺得煩，但我見呢 D 客就真係會收足（有過重行李千其唔好行近黃髮紅裙女子！），你係呀婆又唔同！