Lisa Simpson

想搵 d嘢讀吓，但我想讀嗰 d又唔會令我加人工。會加人工嗰 d我又唔多想讀，唉…點解咁辛苦嘅呢！

今日收到個電話：你個 d布，有色差！

如果做廠都知，色差其實好普遍。但呢次係已經比左大貨料個客睇，但都仲有色差！

廠既 “解釋”就係：上次比個客睇既 “大貨”唔係大貨！

！咁係咩？點解要比個客睇！真係唔得你死！佢地絕對係見你死，就驚死你死得唔夠快！

今日返到去，出貨情況同上星期六一樣，無 bad news 就即係 good news 啦！

但到2點幾，d貨入晒倉，人哋係到點貨，發現我哋報嘅數目唔啱。唔啱？出咁少，無理由點錯嫁喎！

原來佢都將兩隻色嘅外箱貼紙貼錯，所以 d 數目唔啱！

真係乜佢哋都有本事錯！

上個星期六，攪掂完出貨 d 嘢，好彩唔洗 OT。可以準時走，因為約咗媽媽去食板前。次次食板前，都要排一輪隊，所以真係好耐無去！

今次媽媽話早 d 去排，希望我到時就可以入去（兩個人的話，要到齊先入得）。點知我去到，都要等成10張飛先到我，我真係頂唔順！點知…

我覺得我升咗級，佢哋加咗我人工，係我覺得我己經升咗仙！

上次出貨都不知幾緊張，當然啦，越係大鑊，唔可以出錯嘅，佢哋就有本事 every min 都出唔同嘅錯！上次淨係鞋底都錯咗 5次啦！

今次就唔同，唔係因為無出錯，其實個問題仲大鑊過上次！

屋企樓下有檔麵包檔，5蚊3個豬仔包！

其實一直都係買一個做早餐，但現在早上買3個！早餐一個，一個午餐，一個下午茶！晚飯係屋企食，肥極有限！

但午餐淨係食豬仔包，又好”淡”，所以就去買一串咖啡魚蛋送豬仔包。

當然會肥過齊食豬仔包，但如果太勉強自己食豬仔包，堅持唔到，都係無用嫁！點計都無出去食成個焗飯咁肥啦！

唔知咁樣減唔減到肥呢！

一開 email 發現有人 send 個 MP3 file 比我，以謂佢咁醒，知道我想要呢隻歌，就走去搵比我！

點知原來係只可以聽，唔可以放落MP3機到，佢只係想 “腰潤”我近排無乜倍佢！

本來想打個電話鬧醒佢，諗清楚後都係唔好，唔打比佢，唔聽佢電話先係最大懲罰！

唔好得罪女人呀，無乜 jetso 嫁！